18 Tetor 2021

KEK investon 570.000.00 euro në Trafostacionet e Prishtinës

Prishtinë, 7 maj - KEK njofton se në distriktin e Prishtinës kanë perfunduar punimet në ndërtimin e katër trafostacioneve 10(20)/0.4 kV. Ky investim kap vlerën rreth 570.000.00 euro dhe po bëhet për furnizimin më stabil dhe më kualitativ me energji elektrike për konsumatorët e lagjeve: N.Llumnica, Sh.Shala, A.Rexha dhe E.Zariqi.

Me lëshimin në punë të këtyre katër trafostacioneve me kapacitetin instalues të çdonjërit prej 630 kVA (kilo volt amper) do të eliminohen fytet e ngushta që paraqiteshin në këto pjesë të qytetit të Prishtinës. Së bashku me këto trafostacione është ndërtuar edhe rrjeti i tensionit të lartë (10(20) kV) në gjatësi prej 2.2km dhe rrjeti i tensionit të ulët (TU) në gjatësi prej 1.5km.

Në perfundim e sipër janë edhe dy trafostacione të tjera me një vlerë rreth 240.000.00 euro. Ky projekt i cili është duke u zhvilluar edhe në distriktet tjera është financuar nga KEK-u dhe Buxheti i Kosovës.

Këto investime do të ndihmojnë në ngritjen e vlerës së aseteve të Korporatës dhe përmirësimin e dukshëm të cilësisë së shërbimeve karshi konsumatorit.

 

Kalendari

Ngjarjet e datës 18 Tetor 2021

 - Ministri i Financave, Punës dhe Transfereve dhe Auditorja e Përgjithshme e ZKA-së raportojnë para Komisionit për Mbikëqyrjen e Financave Publike lidhur me shqyrtimin e Raportit Vjetor të Auditimit për vitin 2020. (Ndërtesa e Kuvendit, salla N10, ora 10:00)

- Fondacioni Kosovar Trashëgimia Kulturore pa Kufij, CHwB Kosova organizon Ilucidare Playground: “Guralec: Moving Rocks” dhe Konferencën “Përtej mureve dhe bindjeve”. Kinema Jusuf Gërvalla në Pejë