27 Janar 2023

Centrali bërthamor në Zaporizhzhia të Ukrainës shkëputet nga rrjeti i energjisë

Kiev, 26 gusht - Termocentrali bërthamor në Zaporizhzhia në Ukrainë është shkëputur nga rrjeti elektrik për herë të parë, tha operatori shtetëror i energjisë.

Kompania bërthamore Energoatom tha se centrali u shkëput pasi zjarri dëmtoi linjat e energjisë që e lidhnin atë me rrjetin.

Autoritetet pro-ruse në Energodar, ku ndodhet termocentrali, thanë se sistemi i sigurisë u aktivizua në termocentral për shkak të një ndërprerjeje të energjisë elektrike pas konflikteve në rajon.

Termocentrali Zaporizhzhia në Ukrainën juglindore është termocentrali më i madh bërthamor në Evropë.

Centrali, i cili ka gjashtë reaktorë bërthamorë dhe një kapacitet gjenerues të energjisë elektrike prej 5.700 megavatë-orë, siguron 20 për qind të totalit të energjisë elektrike në Ukrainë.

Sulme artilerike zhvillohen rreth termocentralit, i cili aktualisht është nën kontrollin e ushtrisë ruse.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)