19 Tetor 2021

BB, strategji për mbështetjen e energjetikës dhe bujqësisë

Prishtinë, 15 prill - Kryetari i Kuvendit të  Republikës së Kosovës, dr. Jakup Krasniqi, kishte sot një  takim me  drejtoreshën Rajonale të Bankës Botërore, znj.Jane Armitage dhe drejtorin për Kosovë të kësaj banke, Ranjit Nayak.

Me këtë rast, Armitage theksoi se në kuadër të bashkëpunimit të Bankës Botërore dhe Kosovës, e cila tashmë është anëtare e këtij institucioni financiar, Banka Botërore është duke përgatitur një strategji për mbështetjen financiare të energjetikës në Kosovë.

”Presim që kjo strategji të përkrahet edhe nga Kuvendi i Republikës së Kosovës”, theksoi Armitage. Po kështu, Banka Botërore e sheh si prioritet edhe mbështetjen e sektorit të bujqësisë. Planifikohet që agrokompleksit kosovar t’ i jepet një kredi e volitshme , përkatësisht me kamatë zero në afat kthimi prej 40 vjetësh. Z. Armitage tha se pritet që kjo kredi të miratohet nga ana e Bankës Botërore.

Kryekuvendari Krasniqi u falënderua për këtë vizitë dhe për informacionin e ofruar. Ai theksoi se Kosova ka nevojë për një sistem zhvillimor në lëmin e energjetikës, ndaj edhe ka nevojë që të mbështetet nga Banka Botërore.

Kosova, sipas Krasniqit, ka rezerva të mëdha të thëngjillit, ndërsa teknologjia është e vjetruar, ndaj këto rezerva nuk po mund të shfrytëzohen sa e si duhet. Në këtë kontekst strategjia për mbështetje të energjetikës është e mirëseardhur. Po kështu, Kosova ka nevojë edhe për mbështetje në fushën e bujqësisë, u shpreh kryekuvendari Krasniqi. 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)