27 Janar 2023

AWESK organizon konferencën e parë rajonale “Energjia & Gratë”

Prishtinë, 27 shtator - Shoqata e Grave në Sektorin e Energjisë në Kosovë (AWESK) organizon sot konferencën e parë Rajonale “Energjia & Gratë”.

Konferenca synon që të paraqesë këndvështrimet e vendim-marrësve dhe akademisë nga vendi dhe rajoni si dhe organizatave ndërkombëtare për të identifikuar dhe adresuar sfidat me të cilat ballafaqohen gratë në sektorin e energjisë dhe mundësive që mund të ofrohen nga palët e interesit për të rritur pjesëmarrjen e grave dhe të rinjëve në sektor.

Rrjetëzimi midis profesionistëve të fushës dhe të gjeneratave të reja që dëshirojnë ta shohin vetën në këtë sektor, si dhe fuqizimi i tyre do të jenë fokus i veçantë që do të prezantohet në këtë konferencë.

Konferenca gjithashtu do të trajtojë edhe rritjen e pjesëmarrjes së vajzave e grave dhe djemve e burrave në Shkencë, Teknologji, Inxhinjeri dhe Matematikë si profesione të rëndësishme në zhvillimin ekonomik të vendit dhe tranzicionin e gjelbër energjetik.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)