06 Dhjetor 2022

Vendet e G7 premtojnë 24 miliardë dollarë ndihmë për Ukrainën

Washington, 22 prill - Ministrat e financave të vendeve anëtare të G7-s deklaruan gatishmërinë e tyre për t'i ofruar Ukrainës më shumë se 24 miliardë dollarë mbështetje shtesë për vitin 2022 dhe vitet e ardhshme.

Kështu thuhet në një deklaratë të përbashkët të ministrave të financave dhe guvernatorëve të bankave qendrore të vendeve anëtare të G7 si ShBA, Gjermani, Angli, Kanada, Francë, Itali dhe Japoni në lidhje me luftën e nisur nga Rusia kundër Ukrainës më 24 shkurt.

Ministrat e Financave dhe Guvernatorët e Bankave Qendrore të vendeve anëtare të G7-s u mblodhën për të diskutuar luftën e Rusisë në Ukrainë, humbjet e jetëve në këtë luftë si dhe pasojat ekonomike globale të kësaj lufte, sqaron komunikata.

Organizatat ndërkombëtare dhe forumet shumëpalëshe nuk duhet t’i kryejnë më aktivitetet e tyre me Rusinë, siç kanë bërë gjithmonë, nënvizon deklarata dhe shprehet keqardhja për ftesën që i është bërë Rusisë për të marrë pjesë në forumet ndërkombëtare, duke përfshirë mbledhjet e G20, Fondit Monetar Ndërkombëtar (FMN) dhe Bankës Botërore (BB), të cilat u mbajtën këtë javë.

“Së bashku me komunitetin ndërkombëtar, ne kemi ofruar dhe kemi angazhuar mbështetjeje shtesë në sasi të konsiderueshme, si në aspektin financiar ashtu edhe në atë material, një mbështetje që i tejkalon 24 miliardë dollarë për vitin 2022 dhe në vijim”, thuhet më tej në deklaratën e përbashkët të ministrave të Financave të G7.

Deklarata thekson se është e rëndësishme vazhdimi i koordinimit të ngushtë i mbështetjes që i jepet Ukrainës dhe vendeve fqinje, dhe u bën thirrje vendeve dhe organizatave ndërkombëtare që të ofrojnë mbështetje të mjaftueshme për Ukrainën për të përmbushur nevojat e saj urgjente dhe për të rindërtuar të ardhmen e saj.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)