07 Maj 2021

Shkalla e punësimit në BE shënon rënie në vitin 2020

Bruksel, 21 prill - Bashkimi Evropian (BE) në vitin 2020 ka regjistruar një rënie vjetore prej 0,7 pikë përqindjeje në punësimin midis moshave 20 dhe 64.

Zyra evropiane e statistikave Eurostat tha se shifra tek burrat vitin e kaluar kishte shënuar rënie në 78,1 për qind, nga 79 për qind në vitin 2019.

Në vitin 2020, shkalla e punësimit në BE midis grave të grupmoshës 20-64 ishte 66,8 për qind, më pak krahasuar me vitin 2019 kur ishte 67,3 për qind.

"Ky zhvillim çoi në një rënie të mëtejshme të hendekut të punësimit, në 11,3 pikë përqindjeje, në krahasim me 11,7 pikë përqindjeje në vitin 2019", tha Eurostat.

Zyra e statistikave tha se tregu i punës në bllokun evropian është ndikuar shumë nga pandemia e koronavirusit të ri (COVID-19).

Midis vendeve anëtarëve të BE-së, Suedia ka shkallën më të lartë të punësimit me 80,8 për qind, ndërsa Greqia ka shkallën më të ulët me 61,1 për qind.

Ndërmjet viteve 2019 dhe 2020, me 2,3 pikë përqindjeje Spanja pësoi rënien më të madhe të punësimit në bllokun evropian duke arritur një shkallë të punësimit prej 65,7 për qind.

Midis 27 vendeve anëtare të BE-së, vetëm Malta, Polonia dhe Kroacia arritën të menaxhojnë nivelet e tyre të punësimit duke shënuar rritje.

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)