24 Maj 2022

Rritet kërkesa për punëtorë në Kanada

Otava, 6 tetor -  Hulumtimet e fundit në Kanada kanë treguar se nevoja për fuqi punëtore po rritet vazhdimisht në të gjithë vendin.

Hulumtimet e kryera nga Entit për Statistika i Kanadasë dhe Banka për Zhvillimin e Biznesit (BDC) kanë treguar se nevoja për fuqi punëtore në të gjithë sektorët është jashtëzakonisht e lartë.

Sipas një hulumtimi të entit të statistikave, në tremujorin e dytë të vitit 2021, Kanadasë i mungonin rreth 731.900 punëtorë.

Kjo mungesë e punëtorëve është e dukshme në të gjitha krahinat, ndërsa kërkesa më e madhe për fuqinë punëtore është regjistruar në provincat Quebec, Ontario dhe British Columbia.

Një hulumtim i BDC-së zbuloi gjithashtu se 64 për qind e kompanive kanadeze kufizojnë zgjerimin për shkak të mungesës së fuqisë punëtore.

Sipas rezultateve të hulumtimit, mungesa më e madhe e personelit në vend u regjistrua në sektorin e shëndetësisë.

Sipas statistikave, në tremujorin e fundit të vitit 2020, nevoja për punë në fushën e ndihmës shëndetësore dhe sociale u rrit me 56,9 për qind, duke arritur një nivel rekord prej 100.300.

Në tremujorin e fundit të vitit 2020, nevoja për punë në fushën e shëndetësisë dhe ndihmës sociale u rrit me 56,9 për qind, duke arritur nivel rekord prej 100.300.

Sektori i shërbimeve, i cili përfshin shërbimet e akomodimit dhe mikpritjes në të gjithë Kanadanë, është bërë sektori i dytë me më pak staf në vend, me 89.100 vende pune të paplotësuara.

Pierre Cleroux, nga BDC, tha se pandemia e koronavirusit të ri (COVID-19) e përkeqëson më tej problemin ekzistues të mungesës së fuqisë punëtore.

Cleroux beson se kriza demografike me të cilën po përballet vendi është një problem i madh i mungesës së fuqisë punëtore.

"Aktualisht kemi 16 për qind të kanadezëve mbi moshën 65-vjeç. Shumë kanadezë do të dalin në pension në pesë vitet e ardhshme. Përveç kësaj, shumë të rinj nuk po hyjnë në tregun e punës. Ky është një problem serioz", tha ai.

Sipas BDC-së, nevoja për staf në sektorin e shitjes me pakicë është 84.300, ndërsa sektorit të prodhimit dhe industrisë i mungojnë 65.900 punëtorë.

Hulumtimet tregojnë gjithashtu se mungesa e shoferëve të kamionëve në të gjithë Kanadanë në tremujorin e dytë të vitit 2021 ishte rreth 18.000.​​​​​​​

Kalendari

Ngjarjet e datës 24 maj 2022

- Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Në kuadër të programit dhe ekspozitës Babylonian Vision të artistes Nora Al-Badri qe qëndron e hapur në Galeria 17 mbahet diskutim me temë "Dekolonializimi i artefakteve. Demokratizimi i muzeve". (Lapidariumi i Muzeut Kombëtar të Kosovës, ora 15:00)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)