22 Shtator 2021

Peja dhe Hani i Elezit me performancën më të mirë në prokurim publik

PrishtinÑ‘, 29 korrik - Instituti  Riinvest,  sot publikoi raportin ‘Barometri  i  prokurimit  publik (x-Indeks) 2020’.  

Ky  studim  prezanton rezultatet e indeksit të  prokurimit  –  i  cili  duke  përdorur  të  dhënat nga platforma e prokurimit elektronik, matë në mënyrë objektive se në çfarë mase po respektohen praktikat më të mira në prokurim publik nga komunat e Kosovës.

Hulumtimi është mbështetur nga  projekti  TEAM  (Komuna  Transparente,  Efektive  dhe  Llogaridhënëse)  i  cili  financohet  nga Agjencia e  Shteteve  të  Bashkuara  për  Zhvillim Ndërkombëtar  (USAID) dhe  zbatohet  nga  DAI.

Ky është viti i tretë që Instituti Riinvest, i mbështetur nga projekti TEAM nxjerr këtë indeks.  Tryezën e hapi Alban Hashani, drejtor ekzekutiv në Institutin Riinvest.

Ai deklaroi se ky indeks ka për qëllim të prodhojë në bazë krahasuese tregues të rëndësishëm të prokurimit publik për të gjitha komunat e Kosovës.

Sipas Hashanit, ky indeks bazohet në një metodologji të konsoliduar, e  kontekstualizuar  për  rrethanat  e  Kosovës,  e  cila  paraqet  një  burim  të  jashtëzakonshëm  të  të dhënave parësore që analizojnë prokurimin publik në një kontekst lokal.  

Ndërkohë, Afërdita  Mekuli,  udhëheqëse e  projektit  TEAM,  theksoi  se  x-indeks është  një  mjet i sofistifikuar  statistikor  i  cili  ka  për  fokus  të  rritë  efikasitetin  dhe  konkurrencën.  

Me  rëndësi  të potencohet është fakti se gjendja është përmisuar përgjatë viteve duke përjashtuar vitin 2020 për shkak të pandemisë COVID-19.

USAID TEAM ka ndihmuar KRPP që prokurimi në komuna të digjitalizohet  dhe  specifikisht  gjatë  kohës  së  pandemisë,  bizneset  nuk  kanë  pasur  nevojë  që  të dorëzojnë dosjet e tyre fizike për shkak të digjitalizimit të bërë në kuadër të këtij projekti.  

Në anën tjetër, Sami Uka, anëtar i bordit të Komisionit Rregullativ te Prokurimit Publik deklaroi se objektivat e KRPP janë që të punohet në transparencë dhe llogaridhënie.

Përmes bashkëpunimit  profesional  me  USAID,  është  arritur  që  brenda  pesë  viteve  të  kalohet  nga  një sistem  të  prokurimit  tradicional  në  një  sistem  të  prokurimit  elektronik  ‘e-prokurimi’.  

Kjo platformë është unike dhe përfshin shumë module dhe konsiderohet si mjet i pazëvendësueshëm për OJQ-te, mediat, qytetarët pasi që ofron shumë informata relevante që lidhen me prokurimin publik.  

Po  ashtu,  Uka  theksoi  se  KRPP  është  duke  punuar  edhe  në  çështjen  e  efikasitetit  në prokurim publik duke u fokusar më shumë në ndryshimet ligjore.  

Gjetjet e këtij raporti i prezantoi Tringë Shkodra, hulumtuese në Institutin Riinvest dhe autore e raportit.

Sipas këtyre gjetjeve, performanca e komunave për vitin 2020 në prokurim publik është më  e  dobët  krahasuar  me  vitin  2019.  

Ajo  theksoi  se  ky  rezultat,  mes  tjerash,  vjen  si  rezultat  i përdorimit në masë më të vogël të mjeteve që nxisin konkurrencën, pranimit më të ulët të ofertave për një thirrje si dhe dhënies së një numri të madh të kontratave përmes procedurës së negociuar pa publikim (PNpP).

Më pas, Shkodra prezantoi edhe rezultatet e x-indeksit për të gjitha (38) komunat e Kosovës.

Nga kategoria e komunave te mëdha, Peja ka performancën më të mirë, ndërkaq nga komunat e mesme, Klina renditet si e para. Në anën tjetër nga komunat e vogla, Hani i Elezit ka performuar më së miri.

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)