01 Dhjetor 2022

OECD ul parashikimet e rritjes ekonomike globale, paralajmëron recesion në Evropë

Prishtinë, 26 shtator - Organizata për Bashkëpunim dhe Zhvillim Ekonomik (OECD) ka ulur parashikimet e saj të rritjes ekonomike globale për vitin 2023 dhe paralajmëroi se shumë vende evropiane vitin e ardhshëm mund të përballen me recesion.

Raporti i përkohshëm i OECD-së i publikuar të hënën rishikoi vlerësimin e rritjes së PBB-së globale nga 2,8 në 2,2 për qind, ku vërehet një rënie, që lidhet me "agresionin e Rusisë kundër Ukrainës".

PBB-ja botërore vitin e ardhshëm do të jetë të paktën 2,8 trilionë dollarë, më e ulët se parashikimet e mëparshme, thotë raporti.

Diversiviteti i pamjaftueshëm i ofertës dhe reduktimet e kërkesës mund të shkaktojnë mungesa që do të çojnë në rritjen e çmimit të energjisë, do të dëmtojnë besimin dhe kushtet financiare dhe do të detyrojnë bizneset që përkohësisht të kufizojnë përdorimin e tyre të gazit, shton raporti.

"Marrë së bashku, këto goditje mund të ulin rritjen e ekonomisë evropiane me mbi 1,25 pikë përqindjeje në vitin 2023, në krahasim me normën bazë, dhe të rrisin inflacionin me mbi 1,5 pikë për qind", theksoi OECD.

"Kjo do të shtynte shumë vende evropiane drejt recesionit në vitin 2023", theksohet më tej.

Më tej raporti shton se inflacioni global do të rritet me mbi 0,5 pikë përqindjeje në vitin 2023, me një rënie të rritjes me pak nën 0,5 pikë përqindjeje.


Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Ministrja e Drejtësisë, Albulena Haxhiu zhvillon një vizitë në Agjencinë për Ndihmë Juridike Falas. (Objekti i Agjencisë, ora 13:00) 

- Forumi i Gruas i LDK-së mban konferencë për medie. Tema e konferencës është vrasjet e grave dhe nevoja urgjente për reagim institucional e shtetëror. (Selia qendrore e LDK-së, ora 13:00)

- Partia Demokratike e Kosovës mban sot konferencë për media. (Selia Qendrore e PDK-së, ora 14:00)

- Ministrja e Drejtësisë, Albulena Haxhiu zhvillon një vizitë në Strehimoren në Prizren. (Strehimorja në Prizren, ora 14:30)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)