28 Nëntor 2021

Komuna e Gjilanit përmbyll ciklin e dëgjimeve buxhetore

Gjilan, 27 gusht - Me dy takimet e fundit, njëri me gra e rini dhe tjetri me komunitete, Komuna e Gjilanit e ka përmbyllur ciklin e dëgjimeve buxhetore, ku i ka dëgjuar dhe evidentuar kërkesat e qytetarëve nëpër lokalitete, të cilat do të merren parasysh në përpilimin e listës së prioriteteve për investime gjatë vitit 2022.

Shpresa Kurteshi Emini, kryesuese e Kuvendit Komunal, i ka inkurajuar pjesëmarrësit në dëgjime publike që pa asnjë rezervë t`i paraqesin nevojat e tyre për investime, në mënyrë që ato të mund të planifikohen dhe përfshihen në buxhetin e vitit 2022. 

Gratë e Gjilanit, si nevoja me prioritet kanë paraqitur themelimin e një fondi për viktimat e dhunës në familje, për gratë e moshuara, pastaj mbështetje për fuqizimin ekonomik të gruas dhe bizneseve që udhëhiqen nga gratë, sikurse nevojitet mbështetje edhe për nënat vetushqyese si dhe për aktivitete të ndryshme të grave. 

Përfaqësuesi i komunitetit serb ka kërkuar përfshirjen në investimet e vitit 2022 të projektit për rregullimin e kanalizimit të ujërave atmosferikë në Shillovë, derisa përfaqësuesit e fshatit Cërnicë, që po ashtu kanë marrë pjesë në takimin e sotëm, kanë kërkuar rregullimin e kanalizimit, pastrimin e lumit, rregullimin e rrugëve të brendshme dhe trotuarit. 

Rregullimi i rrugëve të kategorisë së tretë, përkatësisht rrugëve bujqësore u kërkua edhe për fshatin Vrapçiq.

Kryesuesja e Kuvendit, Shpresa Kurteshi-Emini ka premtuar se të gjitha kërkesat e parashtruara nga qytetarët në këto dëgjime buxhetore, do të diskutohen dhe shqyrtohen bashkërisht me kryetarin e Komunës si dhe drejtorët komunale dhe do të vendosen në listën e investimeve në bazë të prioriteteve. 

Sa i përket kanalizimeve dhe ujërave atmosferikë, ajo ka thënë se ky problem zgjidhet përfundimisht me ndërtimin e impiantit, që pritet të realizohet gjatë vitit 2022.                 

“Ne jemi duke bërë përpjekje maksimale si Komunë që buxhetin ta shpërndajmë në mënyrë të balancuar, duke u dhënë përparësi projekte madhore, të cilat e përmirësojnë jetën e qytetarëve, si në fshatra, ashtu edhe në qytet”, ka thënë Kurteshi-Emini. 

Dëgjimet buxhetore janë organizuar nga Komiteti për Politikë dhe Financa dhe ato janë mbajtur në disa lokalitete, përfshirë edhe takimet me gra, rini dhe komunitete.

 

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)