23 Maj 2022

Kërkohet funksionalizimi i dialogut social

Prishtinë, 11 tetor - Tash së voni diskutimet për pagën minimale janë kthyer prapë në vëmendje. Paraqitja e Kryeministrit të Republikës së Kosovës, z. Albin Kurti, në Kongesin zgjedhor të Bashkimit të Sindikatave të Pavarura të Kosovës (BSPK) dhe premtimi i tij i sërishëm se do ta ngris pagën minimale, riktheu këtë çështje në diskutimin publik. Kreu i ekzekutivit përsëriti qëndrimin e qeverisë së tij që paga minimale do të jetë 250 euro. Ndërkohë që kryetari i sapozgjedhur i BSPK-së insistoi që paga minimale të bëhet 300 euro.

Ndonëse rritja e pagës minimale është diskutuar shumë shpesh, edhe për shkak se ka pasur shpesh zgjedhje, paga minimale nuk është ndryshuar asnjëherë që kur është caktuar për herë të parë në vitin 2011. 

Ligji i punës obligon qeverinë që ta përcaktojë pagën minimale në fund të çdo viti, sipas propozimit të Këshillit Ekonomiko-Social (KES). Ky Këshill kryesohet nga Ministria e Punës dhe Mirëqenies Sociale (MPMS), e cila ka për detyrë t’i përcjellë propozimet e këtij Këshilli për miratim në Qeveri. Takimi i fundit i këtij Këshilli është mbajtur më 18 nëntor të vitit 2020. 

Caktimi i nivelit të pagës minimale nuk mund të jetë çështje dëshire, as nga qeveria dhe as nga sindikatat. Paga minimale është rezultat i dialogut social. Ky dialog në Kosovë sipas ligjit ndodh përbrenda Këshillit Ekonomik Social i cili nuk është funksional praktikisht që nga viti i kaluar. 

Instituti për Politika Sociale “Musine Kokalari” fton Qeverinë e Republikës së Kosovës ta funksionalizojë urgjentisht këtë Këshill, ku duhet të zhvillohet dialogu social lidhur me pagën minimale. Ligji përcakton qartë edhe kriteret që duhen marrë për bazë, kur përllogaritet paga minimale. 

Zhvillimet socio-ekonomike të kohëve të fundit, veçanërisht ato të ndërlidhura me pandeminë, e bëjnë dialogun social edhe më të rëndësishëm e të domosdoshëm. Por edhe përcaktimin e nivelit të ri të pagës minimale bazuar në këto zhvillime. Në mënyrë që tregu i punës të jetë më i rregulluar. E punësimi të shndërrohet në mjet mirëqenieje për punëtorët. Kosovës i duhet punësim. Por po aq i duhet punë dinjitoze dhe e sigurt.

 

Kalendari

Ngjarjet e datës 23 maj 2022

- Ministria e Administrimit të Pushtetit Lokal, në bashkëpunim dhe në mbështetje të Agjencisë Zvicerane për Zhvillim dhe Bashkëpunim, BE-së, Suedisë dhe Norvegjisë organizon ceremoninë e Grantit të Performancës për vitin 2020, ku do të ndahen edhe shpërblimet për komunat përfituese. (Hotel Emerald, ora 9:30)

- Komisioni për Ekonomi, Industri, Ndërmarrësi dhe Tregti diskuton me bordin e ZRrE-së, pas situatës së krijuar nga Aktvendimi i Gjykatës së Apelit për tarifat e energjisë elektrike. (Ndërtesa e Kuvendit, salla N10, ora 10:00)

- Ministria e Kulturës, Rinisë dhe Sportit do të organizoj ceremoninë për dhënien e shpërblimit shtetëror për boksieren Donjeta Sadikun, fituese e medaljes së bronztë në Kampionatin Botëror të boksit që u mbajt në Stamboll.  kabinetin e Ministrit Hajrulla Çeku ora 10:15)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 11:00)  

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:30)

- Komisioni për Integrim Evropian shqyrton Projektligjin për Këshillin Prokurorial të Kosovës, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, N302, ora 11:30)

- Mbahet ceremonia e hapjes e shkollës së RE e muzikës “Halit Kasapolli” ku do të merr pjesë edhe kryetari i Komunës së Pejës, Gazmend Muhaxheri. (Pejë, ora 12:00)

- Presidentja e Republikës së Kosovës, Vjosa Osmani Sadriu, viziton komunën e Junikut, ku do të pritet nga kryetar i kësaj komune, Ruzhdi Shehu. (Junik, ora 12:30)

- Fondacioni Kosovar për Shoqëri Civile dhe Misioni i USAID organizojnë lansimin e Programit për Angazhim Qytetar në rajonin e Gjakovës. (Pallat i Kulturës “Asim Vokshi” në Gjakovë, ora 12:30)
 
- Presidentja e Republikës së Kosovës, Vjosa Osmani Sadriu, së bashku me Presidentin e Republikës së Shqipërisë, Ilir Meta vendosin lule tek busti i heroit Edmond Hoxha, në Junik. (Junik, ora 12:50)
 
- Presidentja Osmani dhe Presidenti Meta do të marrin pjesë në Manifestimin e shënimit të 110-Vjetorit të Kuvendit të Junikut. (Shkolla Fillore e Mesme e Ulët “Edmond Hoxha” në Junik, ora 13:00)

- Ministri i Financave, Punës dhe Transfereve Hekuran Murati mban konferencë për media. (Ndërtesa e Qeverisë, salla P32, ora 13:00)

- Zëvendëskryeministrit Besnik Bislimi lidhur me Dialogun me Serbinë raporton para Komisionit për Punë të Jashtme dhe Diasporë. (Ndërtesa e Kuvendit, N303, ora 14:00)

- Partia Demokratike e Kosovës, mban konferencë për media.  (Selia Qendrore e PDK-së, 14:00)

-  Lidhja Demokratike e Kosovës mban konferencë për media. (selia qendrore e LDK-së, ora 15:00)
 
- Oda Ekonomike Gjermano - Kosovare organizon Darkën Gala me rastin e 10 vjetorit të themelimit. (Hotel Emerald, ora 19:00)