19 Janar 2022

Japonia e përkushtuar për të mbështetur Kosovën në zhvillimin ekonomik

Mitrovicë, 3 dhjetor - Kryetari i komunës, Bedri Hamza, ka pritur në takim të ngarkuarin me punë në Ambasadën e Japonisë në Kosovë, Mitsunori Ogasawara, me të cilin ka biseduar për projektet e realizuara dhe projektet të cilat pritet të realizohen nga bashkëpunimi i komunës me  Ambasadën e Japonisë.

Kryetari Hamza pasi i ka uruar mirëseardhje z. Ogasawara, e falënderoj për ndihmën e vazhdueshme që Japonia ka dhënë për shtetin e Kosovës, në sektorin e shëndetësisë dhe të zhvillimit ekonomik duke ofruar bashkëpunimin e tij të plotë që Mitrovica të jetë përfituese e grandeve dhe subvencioneve që ofrohen nga Qeveria Japoneze.

Ndërkaq i ngarkuari me punë në Ambasadën e Japonisë, z. Ogosawara  e ka uruar kryetarin Hamza për marrjen e detyrës për të udhëhequr me Komunën e Mitrovicës, duke theksuar se është i lumtur që po e realizon këtë vizitë në Mitrovicë, ku nga serioziteti dhe bashkëpunimit profesional pret që të realizohen  projekte konkrete në Mitrovicë.

Gjithashtu ai i tha kryetarit Hamza se Japonia mbetet e përkushtuar për të mbështetur Kosovën në zhvillimin ekonomik, si dhe do të angazhohet në të ardhmen që të forcojnë bashkëpunimin  për realizimin e projekteve të ndryshme për qytetin e Mitrovicës.


  

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)