23 Maj 2022

Hapet aplikimi për mbështetje financiare të ndërmarrjeve publike

Prishtinë, 11 tetor - Ministria e Ekonomisë (ME) njofton ndërmarrjet publike qendrore dhe lokale se mund të aplikojnë për të përfituar nga mbështetja ekonomike.

Sipas Pakos së Ringjalljes Ekonomike për vitin 2021, masa 4.6  “Mbështetja e ndërmarrjeve publike prej 30 milionë Eurove”, do të përfitojnë ndërmarrjet publike që kanë vështirësi financiare për shkak të situatës pandemike COVID 19.

Me qëllim të sigurimit të likuiditetit për të përballuar shpenzimet operative, ndërmarrjeve publike u ofrohet huamarrje me kthim pa interes.

Nga kjo masë për ndërmarrjet publike janë alokuar gjithsej 20 milionë euro në total (transhi i dytë).

Programi është i dizajnuar t’i ndihmojë ndërmarrjet publike qendrore dhe lokale që ofrojnë shërbime e që janë prekur nga pasojat e pandemisë.

Aplikimi bëhet në mënyrë fizike në Arkivin e ME-së, përkatësisht në Njësinë për Politika dhe Monitorim të Ndërmarrjeve Publike (NJPMPN).  

Afati i aplikimit është deri në fund të tetorit 2021.


 

Kalendari

Ngjarjet e datës 24 maj 2022

- Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)