29 Mars 2024

Guvernatori Mehmeti u takua me drejtues të Agjencionit Bankar të Turqisë

Stamboll, 25 maj - Guvernatori i Bankës Qendrore të Republikës së Kosovës, Fehmi Mehmeti, gjatë vizitës në Stamboll të Turqisë ka takuar Udhëheqësin e Agjencionit Mbikëqyrës dhe Rregullativ Bankar të Turqisë, Mehmet Ali Akben.

Guvernatori Mehmeti ka informuar Akben lidhur me zhvillimet e fundit në sistemin financiar, i cili vazhdon të jetë likuid dhe stabil, si dhe angazhimin e BQK-së për zhvillimin e mëtejmë të sektorit bankar dhe ekonomisë së vendit.

Gjithashtu, Guvernatori Mehmeti e njoftoi Akben lidhur me gjendjen e bankave me kapital turk, të cilat operojnë në sektorin bankar të Kosovës.

Guvernatori falënderoi Akben për përkrahjen dhe bashkëpunimin e deritashëm, si dhe shprehu gatishmërinë dhe kërkesën për vazhdim të bashkëpunimit në fushën e trajnimit dhe zhvillimit të mëtejmë të stafit të BQK-së, pjesëmarrjen në kolegjet mbikëqyrëse dhe kryerjes së ekzaminimeve të përbashkëta.

Nga ana tjetër, Udhëheqësi i Agjencionit Mbikëqyrës dhe Rregullativ Bankar të Turqisë, Mehmet Ali Akben, vlerësoi të arriturat e deritashme të sistemit financiar të Kosovës dhe angazhimin e BQK-së për avancimin e sistemit financiar, si dhe shprehu përkushtimin për angazhim në avancimin e mëtejmë të bashkëpunimit mes të dyja institucioneve.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)