07 Maj 2021

Gjilani pranon 200 pako ushqimore nga shoqata “Islamic Relief Kosova”

Gjilan, 12 prill - Komuna e Gjilanit për nderë të muajit të ramazanit dhe në shenjë solidariteti me familjet skamnore, ka pranuar sot 200 pako ushqimore, të cilat janë donacion nga “Islamic Relief Kosova” dhe u dedikohen familjeve në nevojë, në bazë të listës që komisioni komunal e harton.

Drejtori i Drejtorisë së Shëndetësisë dhe Mirëqenies Sociale, Selami Xhemajli, ka falënderuar shoqatën për këtë mbështetje për 200 familje dhe shpërndarja, ka njoftuar ai, do të bëhet në bazë të vlerësimit të komisionit komunal për raste sociale.

“Islamic Relief Kosova, është shoqatë bamirëse e cila vazhdimisht e mbështetë komunën tonë me pako ushqimore. Jemi falënderues të përhershëm dhe konfirmojmë se të gjitha pakot do të shpërndahen në kuadër të prioriteteve që komisioni i ka për rastet sociale dhe familjeve që janë të prekura me Covid-19, e që gjendja e tyre është e rënduar.''

''Të gjithë bamirësit i falënderojmë për mbështetjen dhe lutemi që sa më pak raste në nevojë të kemi në Komunën tonë.  Populli shqiptarë solidaritetin e ka pjesë të jetës dhe kjo është vërejtur në vazhdimësi, e veçanërisht në këtë kohë të vështirë pandemie ku dorëdhënësit janë përditë e më shumë”, ka thënë Xhemajli.

Ai në emër të Komunës së Gjilanit dhe kryetarit Lutfi Haziri, ka falënderuar shoqatën për këtë donacion dhe të gjithë donatorët e tjerë që vazhdimisht janë pranë familjeve me gjendje të rëndë ekonomike dhe sociale.

​ 

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)