06 Dhjetor 2022

Forumi Femrat Shqiptare dhuron 10 mijë euro për nëna me jetimë dhe për persona me aftësi të kufizuar

Prishtinë, 29 prill -  Shoqata Forumi Femrat Shqiptare me seli në Suedi dhe degë nëKosovë, me rastin e festës së Bajramit dhuron ndihmë nga  100 euro për 100 familje , për dy kategoritë e shoqërisë shqiptare nëKosovë: nëna me jetimë dhe për persona me aftësi të kufizuar, tëcilët janë përzgjedhur në bazë të listës së shoqata e paraplegjikëve dhe paralizës së fëmijëve të Kosovës “HANDIKOS”.  

Familjet që do të ju dhurohet shuma financiare nga 100 euro, janë familje nga  komuna e Prishtinës, Gjilanit, fshatit Topanicënë komunën e Kamenicës, si dhe për 40 familje nga komuna e Tetovës, si dhe disa fshatrave të Maqedonisë së Veriut. Ky aktivitet ka filluar dje nga dita e enjte e do të vazhdojë deri të dielën, kur pritet të sh[përndahen mjetet financiare për të gjithë përfituesit.

Mjetet janë grumbulluar nga vetë anëtarët e kësaj shoqate të cilat njëherit janë edhe aktiviste të rregullta të shoqatës. Shoqata nëvazhdimësi ka organizuar aktivitete të ndryshme humanitare, duke përfshirë ndihma për shqiptarët kudo që janë kryesisht në Kosovë, Maqedoni të Veriut, Shqipëri, si dhe vendbanimet në Luginë.  

Ndihmat që ka ofruar kjo shoqatë kanë qenë varësisht prej nevojave, qoftë ndërtimi i vendbanimeve, ku deri më tani janë ndërtuar nga Shoqata Forumi Femrat Shqiptare mbi 17 shtëpijanë dhe janë dhuruar 7 banesa për familje me fëmijë me aftësi të kufizuara dhe nëna me jetim. Gjithashtu është duke u ndërtua një shtëpi për një Nënë me aftësi të kufizuara në rajonin e Malësisë së madhe në Shqipëri.  Shoqata gjithashtu në vazhdimësi  ka dhuruar edhe ndihma të tjera qoftë pako ushqimore, dru apo gjëra të tilla të nevojshme për familjet shqiptare në nevojë.  

Humanizmi FFSH- Forumi Femrat Shqiptare është themeluar me 1.06.2017 në Suedi, mirëpo ka anëtare shqiptare nga vende të ndryshme të botës, të cilat në vazhdimësi kontribuojnë për një mirëqenie dhe një jetë  më të mirë për shqiptarët kudo që janë .

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)