01 Dhjetor 2021

FMN bën thirrje për funksionalizimin sa më të shpejtë të Bordit të BQK-së

Prishtinë, 21 tetor - Në kuadër të takimeve të rregullta vjetore të Fondit Monetar Ndërkombëtar dhe të Bankës Botërore Guvernatori i Bankës Qendrore të Republikës së Kosovë, Fehmi Mehmeti, u takua me Alfred Kammer, Drejtor i Departamentit për Evropën në FMN.

Në këtë takim, Guvernatori Mehmeti prezantoi pikëpamjet e BQK-së rreth zhvillimeve makroekonomike dhe financiare në Kosovë, duke theksuar në veçanti qëndrueshmërinë e lartë që po gëzon sistemi financiar i vendit dhe roli i tij në mbështetje të rimëkëmbjes ekonomike të vendit.

Po ashtu, Guvernatori Mehmeti ritheksoi nevojën urgjente të plotësimit të vendeve të lira në Bordin e BQK-së si domosdoshmëri për funksionimin normal të këtij institucioni.

Nga ana tjetër, Kammer vlerësoi lart zhvillimet pozitive në sistemin financiar të vendit dhe rolin shumë të rëndësishëm që ka luajtur BQK dhe sistemi financiar në ballafaqimin e ekonomisë së vendit me pasojat e shkaktuara nga pandemia Covid-19.

Ai po ashtu bëri thirrje për funksionalizimin sa më të shpejtë të Bordit të BQK-së dhe theksoi domosdoshmërinë e ruajtjes së pavarësisë së Bankës Qendrore në mënyrë që ndërhyrjet politike të mos pengojnë ushtrimin efektiv të funksionit të këtij institucioni shumë të rëndësishëm të vendit.  

Kalendari

Ngjarjet e datës 1 dhjetor 2021 - Misioni i Bashkimit Evropian për Sundimin e Ligjit në Kosovë (EULEX) dhe OJQ Të Drejtat e Grave organizojnë diskutimin për manipulimin mendor dhe keqtrajtimin psikologjik si elemente të dhunës në familje. (Hoteli Emerald, ora 9:45)
    
- Bëhet betimi i kryetarit të komunës së Deçanit, Bashkim Ramosaj dhe nënshkruhen deklaratat  solemne për marrjen e detyrës nga anëtarët e Kuvendit të komunës. (Salla e Kuvendit të komunës në Deçan, ora 10:00)

- Mbahet mbledhja inauguruese e Kuvendit të Komunës së Mitrovicës së Jugut. (Salla e Kuvendit të Komunës, ora 10:00)

- Mbahet mbledhja inauguruese e Kuvendit të Komunës së Malishevës, ku do të bëjnë betimin anëtarët e Kuvendit dhe Kryetari i Komunës së Malishevës, Ekrem Kastrati. (Salla e mbledhjeve të Kuvendit të Komunës së Malishevës, ora 10:00)
    
- Oda e Hotelerisë dhe Turizmit të Kosovës mban konferencë të jashtëzakonshme për shkak të mos aprovimit të kërkesave për lirim të masave. (Te ish-Rilindja, kompleksi III nr. 42, ora 12:00)
    
- Grupi Parlamentar i AAK-së, në Kuvendin e Kosovës mban tryezën me temën: Ngritja enorme e çmimeve dhe jostabiliteti ekononomik. (Salla N – 506, ora 13:00)
    
- Qendra për Këshillim, Shërbime Sociale, dhe Hulumtime (SIT), bën lansimin e platformës: Ofrimi i shërbimeve online dhe fizikisht për kryerësit e veprave të dhunës në familje dhe dhunës në baza gjinore. (Hotel “Prishtina”, Prishtinë, ora 14:00)

- Galeria 17 me mbështetjen nga Swiss Cooperation Office në Kosovë, Ministria e Kulturës, Rinisë dhe Sportit dhe Komuna e Prishtinës organizojnë ngjarjen Dinner party/ Make me coffee make me a sandwich, në kuadër të ekspozitës së kuruar nga Natalija Vujošević. (Galeria 17 rruga Henrik Bariç, nr.10, ora 18:00)

- Mbahet hapja zyrtare e edicionit të dytë të Festivalit “Art Without Limit International Film Festival”. (Kino Armata, ora 18:00)

- Asociacioni i Artistëve Vizual të Kosovës organizojnë hapjen e ekspozitës vjetore të anëtarëve të Asociacionit të artistëve vizual të Kosovës. (Galeria e Artëve të Kosovës, ora 19:00)