06 Dhjetor 2022

Ekonomia e Rusisë po kalon një proces të vështirë transformimi

Moskë, 18 prill - Presidentja e Bankës Qendrore Ruse, Elvira Nabiullina, deklaroi se sanksionet prekën kryesisht sektorin financiar rus dhe se ekonomia e Rusisë po kalon një proces të vështirë transformimi strukturor për shkak të sanksioneve.

Duke folur për Dumën, dhomën e ulët të parlamentit rus, Nabiullina tha se për shkak të sanksioneve, Rusia ka akses vetëm në gjysmën e rezervave të saj ndërkombëtare.

Duke theksuar se rezervat e përmendura përbëhen nga ari, juanë dhe asete të tjera pa rrezikun e sanksioneve, Nabiullina tha: "Megjithatë, këto rezerva nuk bëjnë të mundur menaxhimin e tregut të brendshëm valutor".

Ajo theksoi se pas sanksioneve morën masa drastike ndaj tregut. "Tani po i heqim me kujdes disa nga këto masa. Ne planifikojmë t'i bëjmë pak më fleksibël kushtet për shitjet në valutë të eksportuesve", tha Nabiullina.

Duke theksuar se sanksionet filluan një proces të ri në ekonominë ruse, Nabiullina tha: "Ekonomia jonë po hyn në një proces të vështirë transformimi strukturor për shkak të sanksioneve. Sanksionet, të cilat prekin kryesisht sektorin tonë financiar, tani do të fillojnë të prekin më shumë sektorët realë të ekonomisë".

Ajo ka vënë në dukje se problemi kryesor në ekonominë ruse nuk janë sanksionet ndaj sektorit financiar, por sipas saj problemet kryesore janë importet, logjistika e tregtisë së jashtme dhe kufizimet e mundshme të eksportit që mund të zbatohen për produktet ruse në të ardhmen.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)