20 Tetor 2021

Delegacioni i Drejtorisë së të Hyrave Publike të Maqedonisë viziton ATK-në

Prishtinë, 13 tetor - Drejtori i Administratës Tatimore të Kosovës Ilir Murtezaj me bashkëpunëtoret e tij ka pritur në takim delegacionin nga Drejtoria e të Hyrave Publike të Maqedonisë së Veriut, të prirë nga Drejtoresha Sanja Lukarevska.

Vizita e bërë sot kishte për qëllim diskutimin e përbashkët nga të dy palët për të arriturat e institucioneve, reformat e zhvilluara për përkrahje dhe lehtësimin e deklarimit dhe pagesës së tatimeve nga tatimpaguesit, si dhe projektet të cilat janë në fazën e implementimit dhe një pjesë tjetër, të cilat janë duke u hartuar.  

Drejtoresha Lukarevska, përmendi se Maqedonia e Veriut ka shënuar progres të madh në sistemin tatimor, si dhe në rritjen e cilësisë së shërbimeve ndaj tatimpaguesve.

Ajo njëherit shtoj se si institucion janë të përkushtuar që të rrisim përmbushjen vullnetare të të hyrave, si dhe parandalimin dhe luftimin e evazionit fiskal.

E nga ana tjetër, drejtori Murtezaj duke i falënderuar për vizitën tha se Administrata Tatimore e Kosovës viteve të fundit ka shënuar progres të lartë në rritjen e të hyrave tatimore, reformimin dhe digjitalizimin e proceseve të punës, ngritjen e llogaridhënies dhe përgjegjësis, menaxhimit më të mirë të borxheve, reformim të procesit të rimbursimeve, si dhe e njoftoj delegacionin e Drejtorisë së të Hyrave Publike të Maqedonisë së Veriut, lidhur me procesin e reformës që është duke u zhvilluar në sistemin e IT-së.  

Ndër të tjera, gjatë takimit u diskutua shkëmbimi i praktikave mes dy institucioneve ishte edhe në pjesën e menaxhimit të mbledhjes së borxheve, pastaj çështjeve që ndërlidhen me shërbimet ndaj tatimpaguesve, si dhe menaxhimin e tatimpaguesve të mëdhenj.

 

Kalendari

Ngjarjet e datës 20 Tetor 2021  - Kryeministri Albin Kurti dhe ministrja e Ekonomisë Artane Rizvanolli, vizitojnë ndërmarrjen “Trepça”. (Zyra e menaxhmentit të “Trepçës”, Parku Industrial, ora 8:00)

- Komisioni për Buxhet, Punë dhe Transfere shqyrton Raportin Vjetor Financiar te Bankës Qendrore, Fondit të Kursimeve Pensionale, raportin e Qeverisë për Buxhetin e së Kosovës dhe Agjencisë për Krahasim dhe Verifikim të Pronës. (Ndërtesa e Kuvendit, salla C203, ora 10:00)

- Mbahet mbledhja e dhjetë e Komiteti për Politik dhe Financa e Komunës së Rahovecit. (Salla e mbledhjeve të Kuvendit Komunal të Rahovecit, ora 10:00)

- Lëvizja FOL vazhdon serinë e debateve FOL Hapur me Ministren e Ekonomisë Artane Rizvanolli. (Hotel Opera në Prishtinë, ora 11:00)

- Rektori i Universitetit të Prishtinës Naser Sahiti dhe Dimitrija Sekovski, përfaqësues i SKAT Consulting nënshkruajnë marrëveshje bashkëpunimi për implementimin e programit studimor Master në Menaxhimin e Integruar të Resurseve Ujore në Kosovë. (Rektorati i UP-së, ora 11:00)

- Koalicioni ad-hoc i organizatave të shoqërisë civile dhe aktivistëve mjedisor ju ftojnë në konferencën për media, ku do të njoftoheni me zhvillimet e fundit që ndërlidhen me paditë për shpifje të ushtruara kundër aktivistëve Shpresa Loshajt dhe Adriatik Gacaferi, nga kompania Kelkos si dhe operimet e kësaj kompanie në Deçan. (Para objektit të Qeverisë ish-Rilinjda, ora 13:00)

- Baleti Kombëtar i Kosovës mban konferencë për medie me rastin e Premierës së shfaqjes “Tanzminiaturen” & “Tangata” me koreografi nga Ricardo Fernando.  (Teatri Kombëtar i Kosovës, ora 13:00)