30 Shtator 2022

Banka Qendrore e Australisë rrit normat e interesit

Canberra, 3 maj - Banka Qendrore e Australisë ka rritur normat e interesit për herë të madh në më shumë se një dekadë, me qëllim të zbutjes së çmimeve në rritje të konsumit.

Norma kryesore e kredisë është rritur për 25 pikë bazike në 0.35 për qind, duke shënuar rritjen e parë prej nëntorit të vitit 2010.

Banka ka thënë se inflacioni “është rritur dukshëm dhe më shumë sesa është pritur” duke dhënë shenja se mund të ketë rritje shtesë në normën e interesit.

Ky vendim e ka vendosur institucionin bankar në qendër të debatit politik për gjendjen ekonomike të Australisë, vetëm pak ditë para zgjedhjeve të 21 majit.

Kryeministri, Scott Morrison, i cili është duke udhëhequr nëpër sondazhe, ka thënë se rritja e inflacionit është rezultat i trendeve botërore.

Sikurse konsumatorët në gjithë botën, australianët janë goditur nga rritja e çmimeve të ushqimit dhe naftës.

Norma vjetore e inflacionit në Australi tani ka shkuar në 5.1 për qind.

Mirëpo çmimet e shtëpive janë rritur për vite me radhë, ndonëse me pagat nuk ka ndodhur njëjtë.

Sidnej dhe Melbërn janë në mesin e shteteve më të shtrenjta në botë për të jetuar.

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30