13 Qershor 2021

Austria i ofron ndihmë Kosovës në integrimin evropian

Prishtinë, 7 maj - Ministri i Financave, Punës dhe Transfereve Hekuran Murati, priti në takim ambasadorin e Austrisë në Kosovë, Christoph Weidinger.

Në këtë takim u bisedua për prioritetet e Qeverisë së Kosovës dhe për rimëkëmbjen ekonomike të vendit.

Ministri Murati falënderoi Ambasadorin Weidinger për mbështetjen e vazhdueshme që shteti i Austrisë ka dhënë dhe vazhdon të jap për Kosovën.

Ai gjithashtu e njoftoi Ambasadorin Weidinger për masat që ka ndërmarrë Qeveria për zbutjen e ndikimit që pandemia COVID-19 ka pasur në ekonominë e vendit si dhe për hapat që do të marrë Qeveria për rimëkëmbjen e vendit.

Ndërsa, ambasadori austriak Christoph Weidinger, e falënderoi ministrin Murati për pritjen dhe shprehu gatishmërinë e tij dhe të shtetit të Austrisë për vazhdimin e bashkëpunimit me Ministrinë e Financave, Punës dhe Transfereve në projekte të përbashkëta si dhe ofrimin e ndihmës në integrimin evropian të Kosovës.

Kalendari

Ngjarjet e datës 13 Qershor 2021 - Klubi Off Road Prizreni organizon ngjitje në Maje tek Liqenet. (Përball Qendrës Sportive ”Sezair Surroi” në Prizren, ora 10:00)
 
 - Me rastin e shënimit të 14 Qershorit, Ditës së Çlirimit të komunës së Rahovecit mbahet finalja në futboll të vogël. (Palestra Sportive“Mizahir Isma”, ora 18:00)