Prishtinë, 21 dhjetor - Administrata Tatimore e Kosovës (ATK), Platforma Civikos dhe Iniciativa Kosovare për Stabilitet do të mbajnë sot diskutim me organizatat nga shoqëria civile rreth formalizmit të punësimit në vend, si dhe implementimit të projektit të ATK-së “ Punësimi joformal 2021-2023” .

 ATK ka hartuar projektin e “Punësimit Joformal 2021-2023”, me anë të së cilit planifikohen aktivitete intensive në identifikimin e personave të cilët shmangun përmbushjen tatimore.

Me qëllim që aktivitet të cilat dalin nga ky projekt të jenë të njohura për bizneset, sot drejtori i ATK-së Ilir Murtezaj me bashkëpunëtor kanë mbajtur tryezë diskutimi me përfaqësuesit e komunitetit të bizneseve, në të cilen janë prezantuar të gjitha vlerësimet e gjetura nga projekti në fjalë.

Në panel të këtij diskutimi do të jenë Ilir Murtezaj, Drejtori i Përgjithshëm i ATK-së; Donika Emini, Drejtoresh Ekzekutive në Platformën CiviKos; Brikena Hoxha, Drejtoresh në Iniciativa Kosovare për Stabilitet si dhe Selim Thaçi, Përfaqësues nga Fondi Monetar Ndërkombëtar.