19 Qershor 2021

ASK nënshkruan marrëveshje me Institutin e Statistikave të Shqipërisë

Prishtinë, 7 qershor - Agjencia e Statistikave të Kosovës (ASK) sot ka nënshkruar një Marrëveshje Mirëkuptimi me dhe Institutin e Statistikave të Republikës së Shqipërisë (INSTAT), ku parashihet bashkëpunim i ndërsjellë ndërmjet dy institucioneve simotra.

Nënshkrimi i Marrëveshjes së Mirëkuptimit është bërë në ambientet e ASK-së nga Ilir T. Berisha, Zv. Kryeshefi Ekzekutiv i ASK-së dhe Znj. Elsa Dhuli, Drejtoreshë e Përgjithshme Ekzekutive e INSTAT-it.

Me rastin e nënshkrimit të kësaj marrëveshjeje, z. Berisha theksoi rëndësinë e këtij bashkëpunimi ndërmjet ASK-së dhe INSTAT-it për të promovuar efikasitetin e njohurive, si dhe të krijojë një kornizë dhe kushte të përgjithshme për bashkëpunim efikas.

“Kjo Marrëveshje e Mirëkuptimit ka për qëllim vendosjen e bashkëpunimit ndërmjet dy institucioneve: Institutit të Statistikave të Republikës së Shqipërisë (INSTAT) dhe Agjencisë së Statistikave të Republikës së Kosovës (ASK) për realizimin e bashkëpunimit kryesisht në shkëmbim përvojash, organizim trajnimesh, punëtori dhe seminare të përbashkëta” – tha ndër të tjera, z. Berisha.

Në anën tjetër, Drejtoresha e Përgjithshme e INSTAT-it, znj. Dhuli, e vlerësoi lartë këtë Marrëveshje Mirëkuptimi, duke e cilësuar “shkëmbimin e përvojave shumë të rëndësishëm në fushat statistikore të dakorduara reciprokisht me këtë MeM, si: Bujqësia dhe Mjedisi, Demografia dhe Statistikat Sociale, Cens-et, Statistikat e Biznesit, Llogaritë Kombëtare, Statistikat e Sektorit Real, dhe shkëmbimi i ekspertizës, veçanërisht në çështjet metodologjike, cilësisë statistikore, si dhe çështjet infrastrukturore, organizative dhe Gjeo-informacionit” do t’u ndihmojnë dy institucioneve homologe”.

Më tej, në takim u diskutuan edhe çështje të tjera, si SDG-të dhe edukimi statistikor në shkollat e mesme dhe programi Master në universitet.

Gjatë nënshkrimit të Marrëveshjes së Mirëkuptimit nga delegacioni i INSTAT-it ishin të pranishëm: Znj.Elsa Dhuli, Drejtoreshë e Përgjithshme Ekzekutive, Znj.Kesjana Halili, Sekretare e Përgjithshme, Znj. Helda Mitre/Curma, Drejtoreshë i Drejtorisë së Përgjithshme të Teknologjisë së Informacionit dhe Mbledhjes së të Dhënave dhe Z. Maldi Dema - Drejtor i Drejtorisë e Çështjeve Ligjore dhe Koordinimit
 

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)