17 Maj 2021

Qytete, institucione dhe biznese ftohen të bashkohen në Orën për Planetin Tokë

Zagreb, 27 mars - "Lëviz për planetin" është parulla e këtij viti për iniciativën Ora për Planetin Tokë, e cila do të mbahet sot në ora 20:30.

Organizata Botërore e Mbrojtjes së Natyrës WWF fton qytete, qyteza, kompani dhe institucione të bashkohen me këtë iniciativë, e cila njihet prej 14 vitesh si veprimi më i madh vullnetar për mbrojtjen e natyrës në Botë.

Përveç thirrjes së njohur për të fikur ndriçimin publik dhe dekorativ për 60 minuta në qytete, si dhe në shtëpitë tona, WWF fton qytetarët të bashkohen me ngjarjen në zoom që organizojnë gjatë kohës së Orës së Planetit Tokë.

Përveç vallëzimit dhe prezantimit të një kënge të shkruar posaçërisht për këtë rast, ngjarja do të shërbejë si një kujtesë se sa është e domosdoshme që të ndërmarrim veprime urgjente dhe të ndryshojmë sjelljen për të zbutur ndryshimet klimatike.

"Ne jemi gjithnjë e më shumë dëshmitarë të efekteve të ndryshimeve klimatike edhe në rajonin tonë. Ky është viti i dytë që Ora për Planetin Tokë, një veprim që miliona njerëz kanë kërcyer dhe festuar në rrugë dhe sheshe në të gjithë Botën, po festohet virtualisht, siç lejojnë rrethanat shkaku i pandemisë COVID-19.''

''Kjo është një kujtesë e qartë e faktit se ndryshimet klimatike nuk po i ndodhin dikujt tjetër, diku larg, në të ardhmen, por tek ne, sot dhe këtu ”, tregon Nataša Kalauz, Drejtore Ekzekutive e WWF Adria.

Ndryshimet ekstreme të motit, rritja e temperaturave, ndotja e lumenjve, zjarret më të shpeshta të pyjeve dhe shfaqja e sëmundjeve të reja infektive janë vetëm disa nga ndryshimet që janë të dukshme në pjesën tonë të Botës.

Ndryshimet klimatike na tregojnë qartë se, pavarësisht nga zhvillimi i shpejtë teknologjik, ne mbetemi plotësisht të varur nga natyra. Ekosistemet janë në rrezik, siç janë mirëqenia dhe siguria njerëzore.

Një nga mënyrat për të luftuar këto sfida është të punojmë shumë për të rritur ndërgjegjësimin e publikut, në mënyrë që të ndikojmë që vendimmarrësit të zbatojnë me përgjegjësi politikat dhe strategjitë e miratuara për të zbutur ndryshimet klimatike.

"Ne duhet të ruajmë të paktën 30% të sipërfaqes së Tokës për natyrën, dhe zonat e mbetura duhet të menaxhohen në mënyrë të qëndrueshme. Vetëm në këtë mënyrë mund të sigurojmë një rritje të temperaturës globale me vetëm 1.5 ° C.''

''Udhëheqësit botërorë duhet të bien dakord mbi këtë mesazh dhe ta pranojnë atë si një qëllim global. Ora për Planetin Tokë është një kohë ideale për të menduar së bashku për të ardhmen e Tokës. Ne ftojmë të gjitha kompanitë dhe qytetet që të bashkohen në aksion edhe këtë vit dhe kështu të ndajnë këtë mesazh të rëndësishëm ", përfundon Kalauz.

Ora për Planetin Tokë u mbajt për herë të parë në Sidnei në vitin 2007, si një iniciativë qytetare për të rritur ndërgjegjësimin për ndryshimet klimatike, por edhe një thirrje për veprim urgjent.

 Pavarësisht kohërave të vështira, veprimi i vitit të kaluar ishte më masiv se kurrë më parë: morën pjesë 190 vende dhe territore, me më shumë se 4.7 miliard reagime të regjistruara në rrjetet sociale globale.

Kalendari

Ngjarjet e datës 17 Maj 2021

- Ministria e Mjedisit, Planifikimit Hapësinor dhe Infrastrukturës organizojnë javën e gjashtë Globale e Sigurisë Rrugore. (Pallati i Rinisë dhe Sporteve, para New Born, ora 10:00)

- Mbahet seanca gjyqësore kundër të pandehures Dragana Janiçeviç për Kultivimi i bimës së hashashit, shkurres së kokainës ose bimëve të kanabisit. (Gjykata Themelore në Ferizaj, ora 10:00)

- Kuvendi i Kosovës mban seancë të jashtëzakonshme në të cilën do të diskutohet prezantimi i Programit të Qeverisë së Republikës së Kosovës për vitet 2021-2025. (Kuvendi i Kosovës, ora 10:00)

- Kryetari i Komunës së Prizrenit, Mytaher Haskuka do të vizitojë Shërbimin e Urgjencës, i cili është furnizuar me dy autoambulanca të reja. (Shërbimi i Urgjencës në Prizren, ora 10:30)

- Mbahet seanca gjyqësore kundër të pandehurit Visar Krasniqi për Keqpërdorimi dhe mashtrimi ne prokurorimin publik. (Gjykata Themelore në Ferizaj, ora 11:00)

- Rrjeti i OJQ-ve Avonet mban konferencë për media në të cilën do të prezantoj projektin “Hapësirat e gjelbëra dhe shtatorja e Presidentit të Shteteve të Bashkuara të Amerikës Joe Biden”. (Objekti e Galerisë, ish-objekti i TMK-së, rruga “Ramadan Rexhepi” Ferizaj, ora 11:00)  

- Universiteti i Shkencave të Aplikuara në Ferizaj organizon aktivitetin 3 ditor “Open Doors”, për të rinjtë e Kosovës dhe më gjerë, të cilët ende nuk kanë bërë zgjedhjen e profesionit të tyre. (Objekti i Universitetit, ora 11:00)

- Organizata Kosovo Center for Peace mban konferencë për medie në lidhje me raportin e Departamentit Amerikan. (Xhamia “Bedri Kamberi” në Prishtinë, ora 11:00)

- Kolektivi për Mendim dhe Veprim Feminist do të mbajë protestë kundrejt neglizhimit të sigurisë së vajzave dhe mungesën e politikave të mirëfillta të edukimit, të cilat janë duke e mirëmbajtur patriarkalitetin i cili po rezulton të jetë i dhunshëm për vajzat brenda dhe jashtë institucioneve shkollore. (Pranë Ministrisë së Ministrisë së Arsimit, Shkencës, Teknologjisë dhe Inovacionit, ora 12:00)

- BIRN dhe Internews Kosova mbajn konferencë në të cilën do të prezantohet Raporti “Përkëdhelja e korrupsionit” i cili ka në fokus analizimin e politikës ndëshkimore në rastet e korrupsionit të shqiptuara nga gjykatat e Kosovës gjatë vitit 2020 dhe gjithashtu analizimin e përformancës së gjyqësorit në trajtimin rasteve të korrupsionit. (Pallati i Drejtësisë, Objekti A, Salla e Konferencave, ora 13:00)

- Mbahet mbledhja e Kryesisë së Kuvendit në të cilën do të shqyrtohet kërkesa për interpelancë me ministrin e Ministrisë së Financave, Punës dhe Transfereve, Hekuran Murati në lidhje me “Uljen e shtesave të pensionistëve, stafit shëndetësor dhe institucioneve të sigurisë”. (Ndërtesa e Kuvendit, salla C 301, ora 13:00)

- Nën organizimin e Drejtorisë së Administratës, do të mbahet dëgjimi publik për “Draft-Rregulloren për Organizimin dhe Bashkëpunimin e Komunës me fshatrat, Vendbanimet dhe Lagjet Urbane në territorin e Komunës së Prizrenit”. (Salla e mbledhjeve të Kuvendit Komunal në Shtëpi të Bardhë, ora 13:00)  

 

- Drejtori I Përgjithshëm mbajn një Konferencë për shtyp. (Drejtoria e Doganës, Prishtinë, ora 18:00)