27 Janar 2023

Publikohet analiza e sektorit të përpunimit të pemëve dhe perimeve

Prishtinë, 20 prill - Shoqata e Përpunuesve të Pemëve dhe Perimeve “PePeKo” organizon ngjarjen për publikimin “Analiza e sektorit të përpunimit të pemëve dhe perimeve”.

Në këtë ngjarje do të prezantohen të gjeturat e hulumtimit të realizuar nga Shoqata e Përpunuesve të Pemëve dhe Perimeve “PePeKo” për vlerësimin e zhvillimit të industrisë së përpunimit për vitin 2021, përfshirë fuqinë punëtore, shitjet dhe standardet e sigurisë ushqimore.

Përveç agrobizneseve, në hapje do të jenë të pranishëm edhe përfaqësues nga MBPZHR dhe Komunat e Kosovës dhe donatorë.  

Ngjarja organizohet nga Shoqata e Përpunuesve të Pemëve dhe Perimeve “PePeKo” në kuadër të projektit SIRED (Zhvillimi i Qëndrueshëm dhe Gjithëpërfshirës Ekonomik Rural) që zbatohet nga Caritas-i Zviceran dhe financohet nga Bashkëpunimi Austriak për Zhvillim (ADC), Komuna e Prishtinës dhe tetë komuna të tjera.

 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)