31 Janar 2023

Programet e këtij viti, sigurojnë rritje të prodhimtarisë bujqësore

Prishtinë, 7 maj - Ministri i Bujqësisë, Pylltarisë dhe Zhvillimit Rural, Faton Peci ka vizituar sot fermerët në Komunën e Rahovecit dhe Prizrenit, ku është njohur nga afër me ecuritë e veprimtarive të tyre bujqësore e blegtorale dhe me këtë rast i ka siguruar ata se përkrahja institucionale nuk do t’iu mungojë asnjëherë.

Këtë përkrahje Ministri Peci ia siguroi edhe fermerit Selami Haxhimustafa në Komunën e Rahovecit, i cili së bashku me familjen e tij kanë lënë Shtetet e Bashkuara të Amerikës gjatë viteve 90-të, duke u kthyer në vendlindje.

Ky fermer, i cili është kultivues e prodhues i kulturave pemëtare, si dhe i më shumë se 50.000 fidaneve të specave, domateve, trangujve dhe varieteteve të tyre, është njoftuar nga Ministri Peci me politikat bujqësore të këtij viti, të cilat sigurojnë rritje të prodhimtarisë dhe zgjerim të veprimtarive bujqësore e blegtorale.

“Gjatë këtij viti kemi rritur përkrahjen financiare për shumicën e kulturave bujqësore dhe po ashtu edhe përmes Programit të Zhvillimit Rural do të mundësojmë që fermerët të zgjerojnë dhe të fuqizojnë veprimtaritë bujqësore e blegtorale”, ka thënë Ministri Peci.

Po ashtu, gjatë ditës Ministri Peci në Hocë të Prizrenit ka vizituar fermerin Amid Shala, i cili merret me bletari dhe zotëron rreth 200 koshere me bletë. Me këtë rast, Ministri e ka njoftuar atë edhe me masat mbështetëse të MBPZhR-së për nënsektorin e bletarisë.

“Këtë vit, kemi rritur përkrahjen për bletarinë dhe një koshere bletë përmes Programit të Subvencioneve 2022 do të subvencionohet me 20 euro apo 33% më shumë se vitin e kaluar”, ka theksuar Ministri Peci.

Ndryshe, gjatë këtyre vizitave Ministri i ka njoftuar fermerët më në detaje edhe për masat mbështetëse në kuadër të Programit për Zhvillim Rural për vitin 2022.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00