27 Janar 2023

Prodhuesit e fidanëve do ta kenë mbështetjen e Ministrisë së Bujqësisë

Prishtinë, 18 maj - Prodhuesit e fidanëve do ta kenë mbështetjen institucionale për përmirësimin e kushteve për zhvillimin e veprimtarive të tyre, me qëllim që të sigurohen prodhime cilësore në tregun vendor.

Këtë mbështetje e rikonfirmoi edhe njëherë Ministri Faton Peci gjatë vizitës që i bëri sipërfaqeve të mbjella me fidanë dhe me kultura tjera bujqësore nga fermeri Nazmi Ahmeti në fshatin Korreticë e Ulët e Drenasit, i cili ka 15 vite që merret me kultivimin e fidanëve.

Me këtë rast, Ministri u zotua se përkrahja institucionale për bujq si Nazmiu, nuk do të mungojë asnjëherë.

“U njoftova nga afër me mënyrën  e kultivimit të fidanëve, si dhe kulturave tjera bujqësore dhe me këtë rast u zotova se prodhuesit vendor do ta kenë mbështetjen tonë në vazhdimësi, si përmes subvencione ashtu edhe përmes granteve. E gjithë kjo përkrahje do të ndikojë që tregu vendor të jetë i furnizuar me prodhime të freskëta dhe cilësore”, ka theksuar Ministri Peci.

Ndryshe, Nazmi Ahmeti nga Korretica e Ulët e Drenasit përveç kultivimit të fidanëve të specave, domateve dhe trangujve, ka filluar kultivimin e luleve dhe bimëve dekorative.  

Po ashtu, tokën e tij bujqësore, krahas fidanëve ai e mbjellë edhe me kulturën e grurit prej 5.5 hektarë, misër 6 hektarë, si dhe patate 1 ha.

Në këtë veprimtari Nazmiu është i angazhuar me familjen e tij 4 anëtarëshe, ndërsa gjatë sezonës angazhon edhe 3 apo 4 punëtorë varësisht nga nevoja.

--

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)