21 Tetor 2021

Paraqitet një rast i gripit të shpezëve Avian Influnza në Sekiraqë

Prishtinë, 1 tetor - Agjencia e Ushqimit dhe Veterinarisë (AUV) ka njoftuar se është paraqitur një rast i gripit të shpezëve Avian Influnza në komunën e Podujevës fshati Sekiraqë.

Nga AUV janë ndërmarrë të gjitha veprimet për parandalim të përhapjes se sëmundjes ku përfshihet edhe asgjësimi i shpezëve ne fermën e prekur.

"Po ashtu janë duke u kryer të gjitha hulumtimet epidemiologjike në fermat në zonën e prekur në perimetër prej 3km."

"Jemi duke i kryer të gjitha veprimet tjera sipas legjislacionit në fuqi", thekson AUV.


Çfarë duhet të bëni si fermer për tu mbrojtur nga infektimi i fermës tuaj:

·    Parandaloni kontaktin e shpezëve të tjera me shpezët tuaja,
·    Mbani shpezët në kushte të mira, 
·    Mos shkoni në panaire, tregje, ekspozita apo vende  tjera ku ka shpezë dhe zogj.
·    Vendosni masat e biosigurisë ne fermë
·    Vendos  dezbarierat në hyrje dhe dalje të fermës,
·    Zvogëloni dhe kontrolloni hyrjet e njerëzve,
·    Pastroni dhe dezinfektoni objektet dhe pajisjet, veshjet dhe mbathjet e personave në kontakt me shpezët,
·    Nëse vëreni shenja të sëmundjes lajmëroni autoritetin kompetent,
·    Nëse keni ngordhje, njofto autoritetin i cili do të ju ndihmoj për asgjësim,
·    Në asnjë rast mos i hidhni në hapësira publike shpezët e ngordhura.


Raportoni në numrin:
                             0800 111 22    

Kalendari

Ngjarjet e datës 22 Tetor 2021 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)