31 Janar 2023

Në vitin 2022 do të rritet përkrahja për bujqit dhe fermerët për 11 milionë euro

Prishtinë, 30 dhjetor - Ministri i Bujqësisë, Pylltarisë dhe Zhvillimit Rural, Faton Peci mbajti konferencën përbyllëse për këtë vit kalendarik në të cilën pasqyroi sfidat me të cilat u përball Ministria, udhëheqjen e së cilës e mori në muajin mars të këtij viti, si dhe të arriturat e deritanishme, zhvillimet, gjendjen aktuale dhe planet për vitin e ardhshëm.

“Viti 2021 do të mbahet mend si një vit shumë sfidues, mirëpo sfidat janë ato të cilat e bëjnë secilin rrugëtim më atraktiv dhe frymëzues”, tha me këtë rast ministri Peci.

“Përvec se me pandeminë, jemi përballë me obligime financiare të trashëguara dhe mungesë të stafit si pasojë e aksioneve të organeve të rendit dhe ligjit. Për herë të parë kemi hartuar dhe miratuar Strategjinë për Bujqësi dhe Zhvillim Rural 2022 – 2028, po ashtu kemi hartuar dhe miratuar edhe Strategjinë për Pylltari 2022 – 2030."

"Në këtë vit që po lëmë pas, ndër të tjera kemi vendosur bujqit në rradhë të parë, duke bërë të mundur Programin e Pagesave Direkte për vitin 2021 me vlerë prej 24 milionë euro, kemi avancuar agjendën legjislative, e cila kishte ngecur që 9 vite, duke miratuar 25 projekt-ligje dhe kemi hartuar 5 koncept dokumente, si dhe kam marrë rreth 100 vendime e kam inicuar auditime dhe do vazhdojmë të bashkëpunojmë me organet e rendit dhe ligjit për t’i parandaluar keqpërdorimet në sektorin e bujqësisë dhe pylltarisë”, tha ai.

Gjatë fjalimit të tij në këtë konferencë, Ministri Faton Peci gjithashtu tha se përpos që kemi shlyer obligimet e viteve paraprake të cilat kapnin shumën me mbi 40 milionë Euro, gjatë kësaj periudhe të qeverisjes sime përkrahja për fermerët e Kosovës ka qenë me rreth 76 milionë Euro vetëm për këtë vit fiskal.

“Dhe ky është vetëm fillimi, pasi që në vitin 2022 do të rritet përkrahja për bujqit dhe fermerët për 11 milionë Euro duke mundësuar shpalljen e Programit të Pagesave Direkte dhe Programit për Zhvillim Rural në fillim të vitit të ri, për të vendosur një herë e mirë një nivel të koordinimit të politikave të frytshme bujqësore në dobi të përfituesve meritorë, si dhe do të vazhdojmë t’i drejtojmë politikat tona drejt përkrahjes së rendimentit për të gjitha kategoritë”, shtoi ministri Peci.

Sa i përket sektorit të pylltarisë, konkretisht pyllëzimit vjeshtor në të cilin aktivitet u mbollën gjithsej 773,321 fidanë, Ministri tha se në kudër të pyllëzimeve pranverore të vitit 2022, kjo shifër të rritet në mbi 1 milionë drunjë të rinj të mbjellur.

Ajo që pritet të realizohet gjatë vitit 2022, sipas ministrit të MBPZhR-së, Faton Peci është pasurimi i mëtejmë i politikave zhvillimore të cilat do të kenë në fokus zhvillimin e zonave rurale dhe shtimin e zinxhirit të vlerës, duke përkrahur në veçanti agro-turizmin dhe duke shtuar kapacitetet për pikat grumbullese si për pemë, gjithashtu edhe për perime.

"Gjithashtu, perveç 3 memorandumeve të bashkëpunimit me Shqipërinë, Maqedoninë e Veriut dhe Universitetit të Iowës të Shkencës dhe Teknologjisë, synojmë të ndërtojmë edhe të tjera ura bashkëpunimi me vendet e rajonit dhe Evropës me qëllim të avancimit të Agjendave të Përbashkëta Evropiane”, tha në përmbyllje të fjalimit të tij ministri i MBPZhR-së, Faton Peci.

Pasi përshëndet gazetarët për pjesëmarrje, ministri Faton Peci i inkurajoi ata që përmes këndvështrimit profesional ta trajtojnë dhe ta prioritizojnë sektorin e bujqësisë, pasi është një ndër sektorët më me potencial për zhvillim ekonomik të vendit.

 
 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00