09 Shkurt 2023

Në Mitrovicë fillon mbjellja e drunjëve dekorativ

Prishtinë, 19 prill - Komuna e Mitrovicës në kuadër të rregullimit të hapësirave gjelbëruese dhe planifikimit për zgjerim dhe rivitalizim të sipërfaqeve gjelbëruese, ka filluar me mbjelljen e drunjëve dekorativ.

Për të parë më afër procesin e mbjelljes së këtyre drunjëve, i pranishëm ishte nënkryetari i komunës, Arian Tahir, drejtori i Drejtorisë për Shërbime Publike dhe Infrastrukturë, Granit Tmava si dhe drejtori për Mbrojtje dhe Shpëtim, Bahtir Maxhuni.

Me këtë rast, nënkryetari Tahiri  ka thënë se mbjellja e këtyre drunjve do ti jap një pamje të bukur dhe një gjallëri më të madhe sheshit të qytetit duke shtuar se do të trajtohet me prioritet mirëmbajtja dhe shtimi i hapësirave të gjelbëruara.

Ndërsa drejtori i DSHPI-së, Granit Tmava theksoj se ditë më parë ka përfunduar prerja e drunjëve të tharë të cilët ishin rrezik për këmbësorët dhe objektet në afërsi, më ç ‘rast këta drunjë do të zëvendësohen me trupa të rinj dhe mbjellja e tyre do të vazhdoj edhe në hapësirat ku vlerësohet e nevojshme shtimi i sipërfaqeve gjelbëruese.

Nga drejtori Tmava u potencua se gjatë kësaj jave do të bëhet mbjellja e 150 trupave të rinj në hapësirat gjelbëruese. 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)