07 Shkurt 2023

Ministri Peci prezanton politikat e reja bujqësore

Prishtinë, 21 prill - Sigurimi i prodhimtarisë bujqësore është segment shumë i rëndësishëm për ta zhvilluar dhe avancuar sektorin e bujqësisë edhe më tej dhe për ta bërë atë më konkurrues. Kështu është shprehur Ministri i Bujqësisë, Pylltarisë dhe Zhvillimit Rural, Faton Peci në tryezën me temën “Sigurimi i Bujqësisë - Rritje e Bujqësisë së Kosovës duke Menaxhuar Rreziqet e Motit”, e cila është organizuar nga MBPZhR-ja dhe Korporata Ndërkombëtare Financiare – IFC,  anëtare e Grupit të Bankës Botërore.

Me këtë rast, Ministri Peci ka prezantuar politikat  e reja bujqësore, përmes të cilave theksoi se do t’i kontribuojnë zhvillimit dhe fuqizimit të sektorit të bujqësisë në Kosovë.

Në kuadër të Programit të Pagesave Direkte të vitit 2022, Ministri ka njoftuar se do të mbështetën fermerët për subvencionimin e primit të sigurimit bujqësor për 12 kultura bujqësore.

“Ministria e Bujqësisë mbetet e vendosur që të mbështesë rritjen dhe zgjerimin e sektorit të sigurimeve bujqësore në Kosovë."

"Ne do të vazhdojmë me Programin e Pagesave Direkte, ku kemi prezantuar subvencionimin prej 75% të primës së sigurimit për sigurimet bujqësore, dhe presim që të kemi rritje të numrit të fermerëve të cilët sigurojnë prodhimet e tyre kundër rreziqeve të motit”, ka thënë Ministri Peci.

Ndër tjerash, ai ka shprehur gatishmërinë e tij që të vazhdojnë bashkëpunimin me IFC-në, të cilët ai i ka falënderuar njëkohësisht për përkrahjen e ofruar në funksionalizimin e sistemit për sigurime bujqësore.

Ndryshe, përqindja për subvencionim të sigurimeve bujqësore ka pasur rritje nga 50% sa ishte në vitet 2020 dhe 2021, si dhe 75% për vitin 2022, me qëllim që sigurimet bujqësore të jenë të përballueshme për të gjithë fermerët, të cilët do të sigurojnë produktet  tyre duke paguar vetëm 25% të vlerës së primës së sigurimit.  

Ndërkaq, që nga viti 2017, kur projekti i IFC-së për Sigurime Bujqësore ka filluar të zbatohet në Kosovë, janë krijuar 15 produkte të sigurimeve bujqësore.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)