19 Tetor 2021

Ministri Mustafa takoi zëvendës Ambasadorin e Gjermanisë, Jan Alex Voss

Prishtinë, 27 tetor - Ministri i Bujqësisë, Pylltarisë dhe Zhvillimit Rural, Besian  Mustafa, ka pritur sot në takim zëvendës Ambasadorin e Gjermanisë në Kosovë, Jan Alex Voss, me të cilin kanë biseduar rreth objektivave të kësaj ministrie dhe politikave zhvillimore në bujqësi, si dhe mundësive për fuqizimin e mëtejmë të këtij sektori.

Ministri Mustafa, ka falënderuar zv. Ambasadorin Voss për mbështetjen e pandërprerë të shtetit gjerman ndaj Republikës së Kosovës, sidomos atë në sektorin e bujqësisë.

Ministri Mustafa njoftoi zv. Ambasadorin Voss edhe për investimet, të cilat planifikojnë t’i bëjnë në këtë sektor në kuadër të Programit për Bujqësi dhe Zhvillim Rural të këtij viti.

Nga ana e tij, zv. Ambasadori Voss ka ftuar Ministrinë e Bujqësisë, Pylltarisë dhe Zhvillimit Rural të përkrahë në formë këshillimi Parkun e Inovacionit dhe të Trajnimeve në Prizren meqë sektori i bujqësisë është një nga sektorët kyq të parkut të ri.

Ai gjithashtu informoi Ministrin Mustafa për një projekt të financuar nga Ministria Federale e Ambientit që do të fillojë këtë muaj në Komunën e Kamenicës dhe që ka për qëllim një bujqësi të qëndrueshme.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)