19 Tetor 2021

Ministri Mustafa diskutoi mbi subvencionet në bujqësi me përfaqësues të FMN-se

Prishtinë, 12 nëntor - Ministri i Bujqësisë, Pylltarisë dhe Zhvillimit Rural, Besian Mustafa zhvilloi takim pune virtuel dhe nga shtëpia në vetizolim me përfaqësues të Fondit Ndërkombëtar Monetar (FMN).

FMN në këtë takim ishin të përfaqësuar nga Shefi i Misionit për Kosovë, Gabriel Di Bella, nga përfaqësuesja regjionale për Ballkanin perëndimor dhe kryesuese e zyrës për Kosovë, Stephanie Eble si dhe nga Amanda Edwards e Zyrës Përfaqësuese të Përhershme të FMN-së për Ballkanin Perëndimor bashkë me një ekip më të gjerë të ekspertëve.

Në takim me ministrin Mustafa, ndër tjerash u diskutua mbi subvencionet në bujqësi - dizajnin aktual dhe rezultatet si dhe për masat e MRP (mitigation recovery package) dhe pritshmëritë e zbatimit të tyre.

Në këtë aspekt, ministri Mustafa theksoi pagesën dy herë të subvencioneve, të cilën po e zbaton sivjet Ministria e Bujqësisë, për ti ndihmuar fermerët e Republikës së Kosovës të ballafaqohen më lehtë me efektin negativ të shkaktuar nga pandemia Covid-19.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)