09 Shkurt 2023

MBPZHR përkrah fermerët për zgjerimin e veprimtarive të tyre blegtorale

Dragash, 23 prill - Ministria e Bujqësisë, Pylltarisë dhe Zhvillimit Rural (MBPZHR) ka njoftuar se përmes masave mbështetëse për sektorin e blegtorisë, do të përkrahen fermerët për zgjerimin e veprimtarive të tyre blegtorale në të gjithë vendin.

Përkrahjen për këtë sektor e ka konfirmuar edhe njëherë Ministri i Bujqësisë, Pylltarisë dhe Zhvillimit Rural, Faton Peci gjatë vizitës në fermën e blegtorit, Shaqir Reshiti në fshatin Bresane të Komunës së Dragashit, i cili mbarështon rreth 300 krerë dele.

“Sektorin e blegtorisë këtë vit do ta përkrahim përmes subvencioneve dhe përmes granteve investive dhe në këtë mbështetje do të gjejnë përkrahjen të gjithë ata blegtorë, të cilët do t’i plotësojnë kriteret e parapara në Programin e Pagesave Direkte dhe Programin e Zhvillimit Rural”, ka thënë Ministri Peci.

Ndër tjerash, ai i ka njoftuar fermerët e kësaj komune se javën tjetër do të hapet periudha e aplikimit për pagesa direkte/subvencione për kulturat dhe aktivitetet bujqësore, të cilat mbështeten përmes Programit të Pagesave Direkte/Subvencioneve për vitin 2022 dhe me këtë rast iu ka bërë thirrje atyre që të aplikojnë për mbështetje në kuadër të këtij Programi.

Ndryshe, përmes këtij Programi, MBPZhR-ja do t’i përkrahë blegtorët përmes subvencioneve për krerë dele, dhi, për lopë qumështore, si dhe përkrahje do të ketë edhe për litër të qumështit të dorëzuar sipas kategorive të cilësisë.

Po ashtu, përmes Programit për Zhvillimi Rural do të përkrahen projektet blegtorale të fermerëve në të gjithë vendin.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)