07 Maj 2021

MBPZHR e interesuar për fuqizimin e industrisë së agro-biznesit

Prishtinë, 30 prill – Ministri i Ministrisë së Bujqësisë, Pylltarisë dhe Zhvillimit Rural z. Faton Peci ka zhvilluar një takim virtual me Drejtoreshën e Misionit USAID znj. Lisa Magno.

Gjatë këtij takimi të dyja palët shprehen vullnetin e mirë që të angazhohen rreth mundësisë së bashkëpunimit për zhvillimin e bujqësisë me theks të veçantë fuqizimin e industrisë së agro-biznesit dhe përfshirjen e sektorit privat për të rritur kështu produktivitetin dhe eksportin për produktet strategjike.

Një tjetër çështje me rëndësi që u diskutua ishte edhe përmirësimi i praktikave të deritanishme për mënyrën e dhënies së granteve dhe subvencioneve. Po ashtu përmes politikave të duhura bujqësore të lehtësohet gjetja e tregjeve të reja për bujqit dhe fermerët vendor.

Ministri Peci shprehi mirënjohje ndaj misionit të USAID në Kosovë dhe kontributit qenjësor që ky mision ka dhënë ndër vite në sektorin e bujqësisë, sektor ky tejet i rëndësishëm për zhvillim ekonomik të vendit. 

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)