30 Nëntor 2022

Mbahet forumi debatues për sektorin pyjor të Kosovës

Prishtinë, 26 shtator - Zyrtarë të lartë të insitucioneve të Kosovës, përfaqësues të organizatave donatore dhe ekspertë të pylltarisë po diskutojnë për rritjen e kontributit të sektorit pyjor në ekonominë e vendit si dhe për promovimin e menaxhimit dhe qëndrueshëm dhe shumëqëllimor të pyjeve.

Në forumin debatues të organizuar nga programi për pylltari që financohet nga Bashkimi Evropian dhe Ambasada e Suedisë në Prishtinë, zbatuar nga FAO, u theksuan sfidat dhe propozimet afatgjate për mbrojtjen e resurseve dhe zhvillimin e sektorit.

Ministri i Bujqësisë, Pylltarisë dhe Zhvillimit Rural, Faton Peci theksoi se forume të tilla debatuese janë më se të nevojshme sidomos në kohë të tilla kur pyjet po marrin rol të veçantë në zhvillimin ekonomik, mjedisor dhe atë social.  

“Kosovën e përbëjnë pyjet, pothuajse me gjysmën e territorit të vet. Andaj, na duhet të mendojmë disa herë para se të veprojmë një herë, në mënyrë që natyra me të cilën jemi bekuar, të mos vuaj nga veprimet dhe mos-veprimet tona."

"Pyjet janë pasuri kombëtare dhe njëherit janë pasuri për të cilën do thirremi në përgjegjësi nga gjeneratat që vijojnë. Andaj duhet patur kujdes në cdo hap që hedhim, për cdo degë të prerë, për cdo trung të mbjellur”, tha ministri Peci.

Eksperti ndërkombëtar i FAO-s për pylltari, Ekrem Yazici theksoi se pylltaria është një sektor shumë i rëndësishëm për zhvillimin e vendit.

“Ne bashkarisht duhet të vlerësojmë se a kemi qeverisje të mirë dhe strukturë të mirë institucionale, si dhe të ndërmarrim hapat e nevojshëm për përmirësimin e gjendjes”, tha z.Yazici, duke ofruar gatishmërinë e FAO-s për mbështeje përmes programit që është duke u zbatuar aktualisht.   

Gjatë forumit debatues janë përmendur nevoja urgjente për ndaljen e prerjeve të parregullta dhe ilegale në pyje, organizimin e edukimit profesional për pylltari dhe trajnime të përhershme për personelin e Agjencisë Pyjore të Kosovës dhe të komunave, zvogëlimin e informalitetitt dhe rritjen e buxhetit dhe investime për sektorin e pylltarisë.

Pjesëmarrësit e forumit po diskutojnë poashtu për rëndësinë dhe nevojat për reformë institucionale si dhe edukimin në pylltari.  

Forumi debatues për sektorin pyjor në Kosovë është i treti me radhë i dhe ka për qëllim të ofrojë konkluzione dhe rekomandime të shoqëruara me veprime të qarta në përmirësimin e gjendjes në sektorin pyjor të Kosovës.

 

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)