25 Tetor 2021

Let’s Do It dhe lëvizja globale River Cleanup pastrojnë lumin Drin

Istog, 31 tetor - Let’s Do It në bashkëpunim me lëvizjen globale River Cleanup do të zhvillojë aksion pastrimi në lumin Istog që është degë e lumit Drin në vendin tonë, më saktësisht te “Ura e Gurit” në fshatin Zallq të Istogut.

Këtij organizimi iu është bashkuar edhe komuna e Istogut.

Gjatë këtij aksioni do të largohet sasi e konsideruar e mbeturinave, duke filluar nga mbetjet e shumta plastike, mbetjet inerte dhe të tjera.

Në këtë aksion, për herë të parë do të lansojmë edhe përdorimin e pajisjes “Trash boom”, e cila shërben si barrierë për mbeturinat që mund të ikin nga rrjedha e lumit gjatë pastrimit.

Pjesëmarrës në aksion do të jenë edhe përfaqësues të komunës së Istogut. Për shkak të gjendjes me pandeminë, numri i vullnetarëve në aktivitet është i reduktuar!

Let’s Do It dhe River Cleanup vitin e kaluar realizuan aksione për pastrimin e lumit Drin, përveç në komunën e Istogut, edhe në komunën e Pejës, Malishevës, Rahovecit e Deçanit. Këto akione të përbashkëta kanë për qëllim ngritjen e vetëdijes për ndotjen e madhe që po u shkaktohet ekosistemeve ujore, sidomos nga plastika, duke aktivizuar vetë qytetarët që të bëhen pjesë e zgjidhjes së këtij problemi.  

 

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)