16 Maj 2022

Kriteret për subvencionim të qumështit, ShPQK del me kërkesë për Ministrinë e Bujqësisë

Prishtinë, 11 shtator - Shoqata e Prodhuesve të Qumështit (ShPQK) ka shprehur sot shqetësimin e saj mbi procedurat e aplikimit dhe formën e vendosjes së kritereve për subvencionim nga Ministria e Bujqësisë, pasi në rrethanat e krijuara, sipas saj, një numër i konsiderueshëm i fermerëve nuk do të ketë mundësi aplikimi.

Në një komunikate për media thuhet se mospajtimet si shoqatë e prodhuesve të qumështit i kanë paraqitur edhe si pjesë e grupeve punuese, por edhe para publikimit për subvencionim të qumështit në lidhje me disa nga kriteret e publikuara.

“Gjithashtu, kemi propozuar përkrahje edhe më te madhe të këtij sektori tejet të rëndësishëm, sidomos duke u bazuar edhe në rrethanat e rënduara pas paraqitjes edhe të pandemisë COVID-19. Fatkeqësisht, kërkesat dhe sugjerimet tona nuk u morën parasysh, përkundrazi ato u injoruan totalisht”, thuhet në komunikatë.

ShPQK thotë se kundërshtimi i saj ka të bëjë sidomos me udhëzimin administrativ për “kopjen e kontratës e noterizuar për furnizim me qumësht të lëshuar nga qumështoret e licencuara në Kosovë ose nga pikat e grumbullimit të qumështit të regjistruara si biznese dhe të cilat kanë kontratë me ndonjërën qumështore të licencuar”.

“Sa i përket zbatimit të këtij kriteri për noterizim të kontratave në mes të fermerëve si prodhues të qumështit si dhe fabrikave të përpunimit të qumështit, mendojmë se, noteri vetëm e vërteton një deklaratë mes dy palëve, në këtë rast kontratë (të prodhuesit dhe përpunuesit), por jo edhe garantimin për korrektësi dhe vazhdimësi në lidhje me kushtet e pranim – dorëzimit të qumështit.

Kjo do të jetë vetëm burokraci shtesë, duke marrë për bazë që mesatarisht një kompani përpunuese ka rreth 200- 300 fermerë të kontraktuar, e në këtë rast do të krijojë shumë humbje kohe, shpenzime shtesë me të cilën do të ngarkohen prodhuesi dhe përpunuesi i qumështit, ndërsa nuk do të ketë fare efekt”, thuhet në komunikatë.

ShPQK kërkon nga Ministria e Bujqësisë miratimin e kërkesave të tyre, pasi që sipas saj, kriteret aktuale vetëm sa po e rëndojnë mënyrën e aplikimit dhe pamundësojnë përfitimin e fermerëve të merituar, përfundon komunikata.

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)