23 Maj 2022

Kosova nënshkruan Memorandum me Universitetin e Iowas në agrokulturë

Iowa, 20 shtator - Ministri i Bujqësisë, Pylltarisë dhe Zhvillimit Rural, Faton Peci po qëndron për një vizitë zyrtare në Iowa të Shteteve të Bashkuara të Amerikës, ku do të zhvillojë takime me përfaqësuesit më të lartë të institucioneve të këtij shteti.

Në kuadër të kësaj vizite, Ministri Faton Peci ka nënshkruar sot një Memorandum Mirëkuptimi me Universitetin e Shtetit të Iowas (ISU), të përfaqësuar nga Ann Marie VanderZanden, përfaqësuese për Programet Akademike në ISU, si dhe përfaqësuesin për Marrëdhënie Ndërkombëtare në Fakultetin e Agrokulturës dhe Shkencave të Jetës, David Acker.

Memorandumi i Mirëkuptimit mes të dyja institucioneve parasheh ofrimin e mbështetjes për Kosovën në sektorin e agrokulturës dhe shkëmbimit të përvojave me ekspertët e Iowas, i cili njihet si njëri prej shteteve me bujqësinë më të zhvilluar në SHBA.  

Konkretisht përmes këtij memorandumi, Kosovës do t’i ofrohet ekspertizë për analizën e tokave bujqësore, konsolidimin e tokave bujqësore dhe përmirësimin e infrastrukturës rurale, si dhe ekspertizë në modernizimin e industrisë përpunuese të mishit dhe produkteve tjera bujqësore.

Me rastin e nënshkrimit të këtij memorandumi, Ministri Peci vlerësoi se ky bashkëpunim do t’i ndihmojë vendit për të adaptuar ekspertizën dhe përvojat më të mira bujqësore, përmes të cilave do të ndikohet zhvillimi dhe avancimi i sektorit të bujqësisë në Kosovë sipas modelit të Iowas.

“Duke pasur parasysh që Iowa për Kosovën është ndër shembujt kryesorë për zhvillimin e bujqësisë, nënshkrimi i memorandumit të sotëm do të ketë një impakt të madh për  bujqësinë kosovare, pasi që përmes formave konkrete të bashkëpunimit ekspertë të Iowas do të kontribuojnë në avancimin e sektorit sipas praktikave më të mira bujqësore, duke nxitur kështu kontributin e bujqësisë në zhvillimin ekonomik të vendit”, ka theksuar Ministri Faton Peci.

Në anën tjetër, përfaqësuesja për Programet Akademike në ISU, Ann Marie VanderZanden dhe përfaqësuesi për Marrëdhënie Ndërkombëtare në Fakultetin e Agrokulturës dhe Shkencave të Jetës, David Acker, theksuan ky memorandum do të nxisë edhe më tej bashkëpunimin mes  Kosovës dhe Iowas, përmes projekteve konkrete dhe intensive në dhënien e ekspertizës në sektorin e agrikulturës në Kosovë.
 

Kalendari

Ngjarjet e datës 24 maj 2022 - Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)