07 Shkurt 2023

Kosova dhe Kroacia diskutojnë për bashkëpunimin në sektorin e pylltarisë

Zagreb, 10 shkurt - Ministri i Bujqësisë, Pylltarisë dhe Zhvillimit Rural, Faton Peci i shoqëruar nga Zëvendës Kryeshefi i Agjencisë së Pyjeve të Kosovës, Bekim Hoxha gjatë vizitës zyrtare në Republikën e Kroacisë, kanë takuar Drejtorin e Përgjithshëm të Ndërmarrjes Publike për Menaxhimin e Pyjeve të këtij shteti, Krunoslav Jakupçiq dhe Sekretarin e Shtetit për Bujqësi, Tugomir Majdak, me ç’rast kanë diskutuar për bashkëpunimin e deritanishëm në mes të dyja shteteve në sektorin e pylltarisë.

Gjatë kësaj vizite, Ministri Peci dhe Zv. Kryeshefi Hoxha patën rastin që të njoftohen nga afër me praktikat më të mira të menaxhimit të sektorit të pylltarisë në Kroaci.

“Gjatë këtij takimi diskutuam edhe për mundësitë e bashkëpunimit ndër-institucional dhe ndër-shtetëror përmes shkëmbimit të përvojave dhe ngritjes së kapaciteteve, duke mundësuar krijimin e kushteve për shfrytëzimin shumë-dimensional të potencialit pyjor të Kosovës duke përfshirë edhe sigurimin e energjisë alternative”, tha Ministri Peci.  

Ndër tjerash, Ministri Peci e falënderoi Jakupçiq për mikpritjen dhe e ftoi që ta vizitojë Kosovën, në mënyrë që të njihet më nga afër me sektorin e pylltarisë në vendin tonë dhe potencialin që ky sektor ka për avancim të mëtutjeshëm.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)