13 Qershor 2021

Kosova dhe Hungaria vazhdojnë bashkëpunimin në fushën e bujqësisë

Prishtinë, 9 qershor - Ministri i Bujqësisë, Pylltarisë dhe Zhvillimit Rural, Faton Peci priti në takim ambasadorin e Hungarisë në Kosovë, József Bencze, me të cilën ka biseduar për zhvillimet e përgjithshme në sektorin e bujqësisë, si dhe për prioritetet dhe projektet zhvillimore të MBPZhR-së gjatë këtij mandati.

Ministri e njoftoi ambasadorin edhe për investimet dhe reformat, të cilat planifikojnë t’i realizojnë gjatë këtij mandati, duke theksuar se krijimi i politikave te duhura zhvillimore do të jetë një ndër prioritetet kryesore gjatë udhëheqjes së këtij dikasteri qeveritar.

Ministri shprehi rëndësinë e bashkëpunimit reciprok në fushën e bujqësisë mes Kosovës dhe Hungarisë në mënyrë që të kontribuojnë në ngritjen e kapaciteteve dhe avancimin e sektorit të bujqësisë dhe zhvillimit rural.

Nga ana e tij, ambasadori József Bencze, rikonfirmoi gatishmërinë e shtetit të tij për të ndihmuar zhvillimin bujqësor të vendit.

 

Kalendari

Ngjarjet e datës 13 Qershor 2021 - Klubi Off Road Prizreni organizon ngjitje në Maje tek Liqenet. (Përball Qendrës Sportive ”Sezair Surroi” në Prizren, ora 10:00)
 
 - Me rastin e shënimit të 14 Qershorit, Ditës së Çlirimit të komunës së Rahovecit mbahet finalja në futboll të vogël. (Palestra Sportive“Mizahir Isma”, ora 18:00)