22 Tetor 2021

Komuna e Mitrovicës dhe IADK mbështesin 18 fermer me pajisje bujqësore

Mitrovicë, 6 tetor - Komuna e Mitrovicës në bashkëpunim me Iniciativën për Zhvillimin e Bujqësisë së Kosovës (IADK) në kuadër të projektit "Mbështetja e punësimit të të rinjve dhe grave në zonat rurale përmes zhvillimit të bujqësisë" kanë bërë shpërndarjen e pajisjeve bujqësore për 18 përfitues të komunës sonë.

Në këtë takim të pranishëm ishin kryetari i komunës, Agim Bahtiri, Zenel Bunjaku, drejtor ekzekutiv i IADK, Luigi Brusa, Shef i Sektorit për Bashkëpunim nga Zyra e Bashkimit Evropian në Kosovë, drejtori për Bujqësi dhe Zhvillim Rural, Ekrem Sadiku.

Në fjalën e tij, kryetari i komunës së Mitrovicës, Agim Bahtiri, falënderoi IADK-në dhe Bashkimin Evropian për mbështetjen e tyre në zhvillimin e bujqësisë dhe subvencionimin e fermerëve.

“Falënderoj IADK- në për bashkëpunimin e shkëlqyer me komunën tonë ne realizimin e disa projekteve në sektorin e bujqësisë, ndërsa përgëzoj të gjithë fermerët përfitues të cilët me këto pajisje do të mund të kultivojnë më shumë produkte të freskëta vendore në tregun tonë, do të përmirësojnë produktivitetin dhe do të rrisin efikasitetin e fermës së tyre”, ka theksuar kryetari Bahtiri.

Ai më tutje ka shtuar se mbetet prioritet i qeverisjes zhvillimi i bujqësisë sepse kështu do të përmirësohet edhe standardi i jetës në komunën tonë.

Ndërsa, drejtori ekzekutiv i IADK –së, Zenel Bunjaku shprehu falënderime për donatorin për kontributin e dhënë që ka mundësuar përkrahjen e përfituesve të projektit si dhe komunës së Mitrovicës si bashkëfinancues i projektit.

Në anën tjetër, shefi i Sektorit për Bashkëpunim nga Zyra e Bashkimit Evropian në Kosovë, Luigi Brusa, uroi të gjithë përfituesit dhe falënderoi organizatën IADK për zhvillimin e bujqësisë në Kosovë dhe përkrahjen e fermerëve të vegjël në sektorë të ndryshëm të bujqësisë.

Kurse, 18 përfituesit  të cilët janë pajisur me freza, spërkatëse, mullinj për bluarje të drithërave, mbledhëse bari, makina mbjellëse, janë shprehur mirënjohës për mbështetjen e vazhdueshme të treguar nga komuna e Mitrovicës në lehtësimin dhe zhvillimin e veprimtarive të tyre.

Kalendari

Ngjarjet e datës 22 Tetor 2021

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Nën patronatin e Presidentes së Republikës së Kosovës, Vjosa Osmani- Sadriu, organizohet premiera e filmit "Zgjoi". (Cineplexx -Albi Mall, ora 18:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)