04 Dhjetor 2022

Jashari: Do t’i mbështesim 6000 fermerë të Skenderajt

Skenderaj, 8 tetor - Para qindra fermerëve të pranishëm në shtëpinë e kulturës “Hasan Prishtina”, në Skenderaj, i pari i komunës së Skenderajt, Bekim Jashari, ka shpalosur programin e tij zgjedhor për mandatin e dytë qeverisës, 2021-2025.

Jashari para qytetarëve të pranishëm ka bërë të ditur se, brenda mandatit të dytë, do të mbështeten me grante të ndryshme 6000 fermerë të komunës.

“Në mandatin e ardhshëm katër vjeçar 2021-2025, në bashkëpunim me organizatat e huaja dhe ato vendore, do të mbështesim  rreth 6000 fermerëve në të gjithë sektorët e bujqësisë në vlerë prej rreth 3 milion euro”, tha kryetari Jashari.

Po ashtu Jashari, theksoi në mandatin tjetër të tij qeverisës se do të realizohet projekti milionësh i serrave vertikale, projekt ky i cili ka një koto shumë të lartë dhe do të arrijë të punësoj shumë të rijnë.

“Shumë shpejtë komuna jonë do të bëhet me projektin inovativ të bujqësisë për kultivimin e serrave vertikale me kosto të projekt mbi 12 milion euro, me 200 punëtorë të punësuar nga komuna jonë si dhe fermerët tonë do të trajnohen dhe do të kenë tregun e sigurt për shitjen e produkteve të tyre”, tha nder të tjera Jashari.

Bekim Jashari, në këtë tubim, theksoi e përkrahjen për fermerët do ta bëjnë edhe me ndarjen e një  fondi të veçantë për dëmet e shkaktuara nga fatkeqësitë e ndryshme natyrore.

“Kështu duke mbështetur fermerët dhe bujqësinë do të arrijmë zhvillim ekonomik e mirëqenie sociale”, tha Jashari. 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)