01 Korrik 2022

Evropa dhe Azia Qendrore angazhohen të sigurojnë sisteme bujqësore të sigurta

Lodz, 16 maj - Vendet e Evropës dhe Azisë Qendrore janë të bashkuara në mbrojtjen e prodhimit, furnizimeve dhe tregtisë ushqimore, edhe gjatë kohës së luftimeve.

Për disa ditë rresht mbi 50 anëtarë të FAO-s diskutuan në Sesionin e Tridhjetë e tretë të Konferencës Rajonale për Evropën në Lodz, Poloni, rrugët dhe qasjet e mundshme për realizimin e këtij qëllimi dhe për përmirësimin e të ushqyerit dhe furnizimeve me ushqim në rajon dhe në mbarë botën.  

Nevoja për një platformë neutrale për të debatuar sfidat aktuale në ushqim dhe bujqësi – ndër sektorët më të prekur nga kriza e Ukrainës – ishte e madhe, e reflektuar nga numri rekord i vendeve dhe delegatëve pjesëmarrës në konferencë.  

"Ndikimet e luftës në Ukrainë për të siguruar ushqim në mbarë botën duhet të trajtohen urgjentisht dhe të parandalohet përshkallëzimi i mëtejshëm - siguria globale e ushqimit varet nga kjo", tha Drejtori i Përgjithshëm i FAO-s QU Dongyu në fjalën e tij përmbyllëse. Ai shtoi se adresimi i kësaj sfide është i mundur vetëm përmes “veprimeve dhe politikave të përbashkëta dhe të koordinuara, duke përfshirë mbështetjen e FAO-s si dhe nëpërmjet udhëzimeve të dhëna në raportin e Konferencës Rajonale”.   

Temat kryesore të diskutuara këtë javë ishin pasojat sociale dhe ekonomike të pandemisë dhe luftës në Ukrainë (me vendime të miratuara në Konferencën Rajonale për këtë çështje dhe rikonfirmimin e veprimeve e mëparshme të Këshillit të FAO-s); rritja e çmimeve të ushqimit bazë, vajit bimor, plehrave dhe produkteve tjera bujqësore; tregtia agroushqimore; ndryshimet klimatike dhe ndikimet e saj; bujqësia e gjelbër; kequshqyerja dhe dietat jo të shëndetshme.  

Një numër rekord vendesh dhe zyrtarësh morën pjesë në Konferencën Rajonale në Lodz, prej të cilëve 26 ministra dhe zyrtarë të nivelit të lartë përgjegjës për bujqësinë dhe fushat përkatëse të pranishëm fizikisht, si dhe përfaqësues të Bashkimit Evropian, organizatave ndërkombëtare dhe shoqërisë civile, përkatësisht më shumë se 350 persona, duke përfshirë pjesëmarrjen fizike dhe online në konferencë. Zbigniew Rau, Ministër i Jashtëm i Polonisë u zgjodh kryesues i takimit.  

“Transformimi i suksesshëm i sistemeve agroushqimore efikase, gjithëpërfshirëse, elastike dhe të qëndrueshme në rajon do të kërkojë angazhimin tuaj për të marrë pronësinë, angazhimin në udhëheqjen politike dhe më e rëndësishmja, për të ndjekur paqen”, theksoi drejtori i përgjithshëm i FAO.  

Konferencat rajonale janë thelbësore për të siguruar efektivitetin e punës rajonale të FAO-s në shërbim të anëtarëve dhe në përcaktimin e fushave prioritare të punës së Organizatës për dyvjetorin e ardhshëm. Raporti i konferencës do të prezantohet në seancën e ardhshme të Këshillit të FAO-s në qershor.

Kalendari

Ngjarjet e datës 1 korrik 2022 - Kryetari i Grupit Parlamentar të Partisë Demokratike të Kosovës, Abelard Tahiri mban Konferencë për media. (Para ndërtesës së Gjykatës Kushtetuese, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Ministria e Mbrojtjes organizon ceremonin e diplomimit të kadetëve të Gjeneratës 2022 të Akademisë së Mbrojtjes - Qendrës për Studime Universitare të FSK-së “Wesley Clark”. (Kazerma “Adem Jashari” në Prishtinë, ora 10:00)

- Nën organizimin e Federatës Sindikale te Sektorit Privat te Kosovës shoqata e autobusëve të Mitrovicës dhe Vushtrrisë do të protestojnë para Ministrisë së Infrastrukturës dhe Transportit për mos krijimin e kushteve për punë. (Para Ministrisë së Infrastrukturës, ora 10:00)

- Instituti Kosovar për Qeverisje Lokale mban konferencën me temën “Ndikimi i ndryshimeve të Kuvendeve Komunale në kualitetin e politikave lokale” ku do të prezantohet hulumtimi mbi pasqyrimin e përbërjes së Kuvendeve Komunale. (Hotel Sirius, nga ora 10:00)

-OJQ AKTIV dhe platforma OPEN organizon prezantimin e rezultateve të hulumtimit “Regjistrimi i popullsisë nga këndvështrimi i komunitetit serb në Kosovës”. (Qendra e Energjisë Qytetare në Mitrovicën e Veriut, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 voton listën e dëshmitareve qe do të ftohen për intervistim si dhe shqyrton CV-te për angazhim të eksperteve. (Ndërtesa e Kuvendit, salla N204, ora 14:00)