03 Shkurt 2023

“Eurofruti” shembull ideal i grumbullimit dhe përpunimit të produkteve vendore

Prishtinë, 25 prill - Nën moton e tij “Afër prodhuesve vendor”, Ministri i Bujqësisë, Pylltarisë dhe Zhvillimit Rural, Faton Peci vizitoi sot Bejtush Gashin tek pika e tij grumbulluese dhe përpunuese “Eurofruti”, e cila gjendet në Fshatin Mramor të komunës së Prishtinës.

Edhe kjo vizitë, sikurse të gjitha vizitat tjera të cilat i ka realizuar gjatë gjithë kësaj kohe Ministri Peci në terren janë bërë me arsyen e vetme që nga afër të bashkëbisedoj dhe të njihet me të gjithë akterët e zinxhirit të vlerës, që nga mbjellja, kultivimi e deri tek vjelja e prodhimit, përpunimi dhe plasimi i tyre në treg.

Gjatë vizitës nëpër ambientet e kompanisë, Ministri i MBPZhR-së, Faton Peci u shpreh se puna e Bejtushit dhe kompanisë së tij mbetet shembulli ideal për t’u ndjekur për të gjithë agro-përpunuesit qofshin ata vendor, qofshin nga vendet e rajonit.

Ndryshe, kompania “Eurofruti” e cila nën ombrellën e vet ka 22 depo grumbulluese në tërë Kosovën, 32 punëtorë të rregullt e deri 120 të angazhuar me punë sezonale, grumbullon, përpunon dhe paketon mjedrën, manaferrën, boronicën, dredhëzën, kumbullën e kërpudhën dhe falë standardeve të arritura evropiane, eksporton rreth 1500 ton fruta në vendet e Evropës, si: Itali, Gjermani, Austri, Zvicër e Turqi.

 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)