07 Shkurt 2023

Agroturizmi, potencial për zhvillimin ekonomik e bujqësor të vendit

Prishtinë, 25 shkurt - Kosova ka potencial të lartë për zhvillimin e agroturizmit, që konsiderohet si një ndër fushat me ndikim më të madh në zhvillimin ekonomik e bujqësor të vendit, duke mundësuar edhe krijimin e vendeve të reja të punës.

Kështu është shprehur Ministri i Bujqësisë, Pylltarisë dhe  Zhvillimit Rural, Faton Peci gjatë vizitës së fshatit Bërnicë, që njihet një nga zonat për zhvillimin e veprimtarive në fushën e agroturizmit e që këto veprimtari po gjallërohen dita ditës në këtë pjesë të Komunës së Prishtinës. Për avancimin e vlerave tradicionale dhe këtyre veprimtarive, Ministri Peci ka premtuar përkrahje përmes programeve vjetore të Ministrisë.

“Përmes Programit për Zhvillim Rural, i cili do të shpallet gjatë muajit Mars të këtij viti, ne synojmë të mbështesim projektet, qëllimi i të cilave është ngritja dhe ruajtja e vlerave tradicionale e agroturizmit, e sidomos ato projekte të cilat kultivojnë vlerat e produkteve bujqësore, të cilat i nxjerrim nga toka jonë”, ka theksuar Ministri Peci.

Gjatë vizitës tek “Molla e Egër – Agroturizëm”, ku kultivohen veprimtaritë e agroturizmit, Ministri ka parë nga afër të gjithë procesin e furnizimit dhe mënyrën e funksionimit të kësaj veprimtarie, e cila në fokus ka ushqimin bio dhe të freskët.

Ndryshe, fermerë nga rajone të ndryshme të vendit janë ata që e furnizojnë këtë subjekt me prodhimet e tyre bujqësore, si qumështi, mishi i gjedheve, deleve dhe dhive. Po ashtu, ky subjekt i agroturizmit zhvillon edhe veprimtari bujqësore, ku aktualisht ka një fermë të pulave, në të cilën rriten pulat e fshatit të llojit New Hampshire dhe kultivohen perimet.

 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)