10 Gusht 2022

"Times": Serbia vrau kryeministrin suedez

Londër, 18 Janar - Ish-kryeministri i Suedisë Olaf Palme u vra në vitin 1986 me urdhër të shërbimeve sekrete jugosllave.

Lajmin e bën të ditur gazeta londinze “Times”, e cila iu referohet dëshmive të reja që sugjerojnë një pistë të tillë.

Sipas hetimeve të zhvilluara në Gjermani, shkruan “Times”, shërbimet sekrete jugosllave rekrutuan për këtë vrasje mercenarin serb Vinko Sindicic.

Sindicic, i cili është dënuar me 15 vjet burg në Skoci për tentativë vrasjeje, ka paraqitur detaje kyce lidhur me vrasjen e kryeministrit suedez.

Edhe revista gjermane “Fokus”, e njohur për kontaktet me shërbimet e fshehta, thotë se Palme u vra nga shërbimi sekret serb, me planin që fajin t’ia hidhte separatistëve të djathtë kroatë.

Palme u vra në vitin 1986 në qendër të Stokolmit teksa ecte i pashoqëruar nga truprojat. Vrasja e tij tronditi jo vetëm Suedinë, por të gjithë Evropën.

Kalendari

Ngjarjet e datës 10 gusht 2022

- Mbahet mbledhja e Qeverisë së Kosovës. (Ndërtesa e Qeverisë, ora 10:00) 

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit SHAL 57. (Hoteli Grand, ora 12:30)