25 Shtator 2022

Tërmeti i 11 marsit, më i fuqishmi në historinë e Japonisë

Tokio, 14 mars - Agjencia meteorologjike japoneze njoftoi ndërkohë se tërmeti që goditi pjesën verilindore të vendit, ishte i fuqisë 9 shkallë sipas Rihterit.

Kjo e bën këtë tërmet më të fuqishmin në historinë e Japonisë, që kur nisën regjistrimet e tërmeteve në këtë vend 140 vjet më parë.

Me këtë fuqi goditëse, tëmeti i 11 marsit në Japoni renditet si i 5-i më i fuqishëm në botë.

“Sot po ju bëjmë të njohur se forca e tërmetit nuk ishte 8,9 por 9 shkallë Rihter. Ky tërmet i fuqishëm goditi tre herë në mënyrë të njëpasnjëshme”’ tha Drejtori i Agjencisë metereologjike të Japonisë Takashi Yokota.

Zyrtarët thonë se në 70 përqind të rasteve ka lëkundje pastërmeti që ndodhin zakonisht tre ditë mbas goditjes fillestare.  Nëse kjo ndodh pasgoditja mund të arrijë deri në 7 ballë.

Sot janë zbuluar zona të tjera të tëmetit shkatërrimtar me ndërtesa të shkatërruara, me makina e anije të mbetura mes gërmadhave.

Në qytetin Natori, të mbijetuarit përpiqeshin të gjenin ç’të mundnin në mes të gërmadhave.

“Është e tmerrshme. Nuk kam fjalë për ta përshkruar këtë që ka ndodhur” thotë një i mbijetuar në Natori.

Ndërsa njerëzit e tronditur përballen me katastrofën, Forca Mbrojtëse Japoneze po merret me pastrimin e bazës në Higashi Matsuyama, e cila gjithashtu u godit nga cunami.

Vorbulla e ujit përplasi aeroplanët dhe shkatërroi helikopterët në hangarët e bazës.

Forca shkatërrimtare e cunamit nuk vjen nga lartësia e dallgëve, por nga sasia e ujit që përpin gjithcka kur uji vërshon dhe më pas kur kthehet përsëri në det.

Cunami përbëhet nga disa dallgë që lëvizin me shpejtësi deri në 1000 km në orë, po aq shpejt sa një avion reaktiv.

Kalendari

Ngjarjet e datës 24 shtator 2022

- Federata Atletikës së Kosovës dhe Departamenti i Sporteve, organizon maratonën “Prishtina 2022”, në të cilën marrin pjesë mbi 500 garues. (Nisja bëhet nga Teatri Kombëtar, ora 9:00)

- Me qëllim të koordinimit ndër-institucional mes Qeverisë dhe Pushtetit Lokal mbahet takimi i përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministrin e Financave, Hekuran Murati, Ministren e Ekonomisë, Artane Rizvanolli dhe Kryetarët e Komunave me ç ‘rast do të diskutohet performanca buxhetore e Komunave dhe Investimet Kapitale, energjia, etj... (Hotel Dukagjini në Pejë, ora 10:00)

- Partia Demokratike e Kosovës mban Konventën Programore të Gruas Demokratike të Kosovës.  (Hotel Emerald, ora 10:00)  

- Lidhja Demokratike e Kosovës, Dega në Gjilan mban konventën e madhe programore. (Salla e Teatrit të Qytetit në Gjilan, ora ora 11:00)

- Koalicioni i OJQ–ve për Mbrojtjen e Fëmijëve në Kosovë bën prezantimin e instalacionit simbolik “Fëmijët në Shkolla”. (Sheshi “Skënderbeu” në Prishtinë, ora 12:00)
 
- Kryeministri i Republikës së Kosovës, Albin Kurti, bashkë me Zëvendëskryeministren për Çështje të Pakicave dhe të Drejtat e Njeriut, Emilija Redžepi, marrin pjesë në hapjen solemne të Qendrës Kulturore Boshnjake, me rastin e festimit të Ditës Kombëtare të Boshnjakëve. (Qendra Kulturore Boshnjake në Prizren, ora 14:00)