07 Maj 2021

Serbi i dënuar me burgim të përjetshëm plagos 5 punonjës të burgut në Spanjë

Madrid, 12 prill - Një 40-vjeçar serb i dënuar me burgim të përjetshëm për dy vrasje në Itali dhe Spanjë, ka plagosur pesë punonjës në një burg të Spanjës.

Sipas mediave italiane, bëhet fjalë për Norbert Feher, të njohur si Igor Rus, i cili është arrestuar në dhjetor të 2017-ës pasi kreu disa vrasje në Itali dhe Spanjë.

Ngjarja ndodhi kur punonjësit e burgut në Duenas të Spanjës po përpiqeshin ta transferonin në Saraguza, ku do t’i nënshtrohej një rigjykimi.

Ai përdori pllakat e marra nga banja e qelisë së tij për të sulmuar disa nga punonjësit, pasi nuk donte të transferohej në Saraguzë, ku fillon gjyqi për vrasjen e trefishtë kundër tij.

Feher kishte kryer dy vrasje, e para kishte ndodhur në 8 prill 2017 në provincat e Bolonjës dhe Ferraras, krime për të cilat ai u dënua me burgim të përjetshëm në apel.

Para se të kapej, ai kishte vrarë dy agjentë të Guardia-s Civile dhe një fermer në Spanjë. Ai gjithashtu kishte plagosur rëndë dy persona të tjerë dhe është gjykuar dhe dënuar me 21 vjet për këtë krim.

Pesë personat e sulmuar mbërritën në spital me lëndime të shkallëve të ndryshme, por asnjë prej tyre në gjendje të rëndë. Pas sulmit, personeli i burgut arriti ta transportonte atë në një pjesë të burgut, ku një njësi speciale e Guardia Civil ishte duke pritur që ai të transferohej.

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)