24 Maj 2022

Qeveria serbe ndahet në dy rryma për Kosovën

Beograd, 23 gusht - Mosmarrëveshjet në koalicionin qeverisës rreth rezolutës për Kosovën kanë arritur kulmin në mbledhjen e qeverisë së Serbisë, kur shefi i diplomacisë Vuk Jeremiç ka thënë se Beogradi nuk do të lëshojë pe para kërkesave të Brukselit, i cili kërkon zbutje të rezolutës për Kosovën, shkruan në numrin e djeshëm gazeta “Blic”.

Sipas burimit të saj, qëndrimit të Jeremiçit i është kundërvënë ministri i Ekonomisë, Mlagjen Dinkiç, i cili ka insistuar në arritjen e kompromisit me Amerikën dhe vendet e Kuintit.

Dinkiçi, edhe në mbledhjen e kaluar të qeverisë, ka refuzuar t’i japë visto mbështetje politikës së mëtejshme të Jeremiçit.

Ai u ka tërhequr vërejtjen kolegëve të tij ministra se ashpërsimi i mëtejshëm i raporteve me Uashingtonin dhe kryeqendrat europiane është punë e rrezikshme.

Mendimin e tij e ka mbështetur edhe SPO (partia e Drashkoviçit), derisa ministrat e SPS të enjten kanë heshtur për këtë punë, duke qëndruar në anën e DS-së së Tadiçit.

“Jeremiçi mendon se ashpërsimi i mëtejshëm i raporteve me vendet e Kuintit mund të na sjellë epërsi para mbledhjes së Asamblesë së Përgjithshme të KB. Ai luan me letrën e mosunitetit ndërmjet vendeve të BE-së kur bëhet fjalë për rezolutën serbe. Ai beson se në Bruksel nuk do të ketë konsensus për paraqitjen e EBE-së në Asamblenë e Përgjithshme, dhe se vendet që e kanë njohur pavarësinë e Kosovës do të mund të abstenonin me rasti e votimit për rezolutën serbe”, i tha “Blicit” ky burim.

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)